घुस लिँदालिँदै रङ्गेहात पक्राउ परेका मन्त्रीका पीए धरौटीमा छुटे

२७ चैत्र २०६८, सोमबार १८:४९ मा प्रकाशित

काठमाडौं, २७ चैत । घुस लिँदालिँदै अख्तियार दुरुपयोग अनुसन्धान आयोगको प्रहरीले रङ्गेहात पक्राउ गरेका वन राज्यमन्त्री लक्ष्मण महतोका निजी पीए नागेन्द्र यादव विगो बराबरको धरौटी राखी सोमबार रिहा भएका छन्।
विशेष अदालतका अध्यक्ष गौरीबहादुर कार्की र सदस्य ओमप्रकाश मिश्रको इजलासले उनलाई ५० हजार धरौटी लिई तारेखमा रिहा गर्न सोमबार आदेश दिएको हो। अदालतको आदेशलगत्तै विगो बराबरको धरौटी राखी उनी रिहा भएका छन्।

अदालतमा यादवले आफ्नो सापट दिएको रुपैयाँ फिर्ता माग्दा फसाएको, घूस खाएको होइन भनी इन्कारी बयान दिएका थिए।

फैसलामा उजुरवालाको उजुरी, बरामदी मुचुल्का र पेश भएको सिडीको अध्ययनबाट बरामद रकम प्रतिवादीले रिसवत वापत लिएको कुरा समर्थित भएको र बुझ्दै जाँदा प्राप्त प्रमाणबाट ठहरे बमोजिम हुने गरी हाल प्रतिवादीले रु.५० हजार नगदै वा सो रकम खाम्ने वैंक ग्यारेन्टी वा जेथा जमानी दिन सके लिई तारेखमा राख्‍न आदेश दिएको छ।

यादवलाई अख्तियार दुरुपयोग अनुसन्धान आयोगका प्रहरीले अनामनगरस्थित पीस प्वाइन्ट रेष्टुरेण्टबाट गत फागुन १७ गते पक्राउ गरेको हो।

प्रतिक्रिया
सम्बन्धित खवर

काठमाडौं । प्रतिनिधि सभामा दोस्रो, तेस्रो र चौथौं ठूलो दलका रूपमा रहेका नेपाली कांग्रेस, माओवादी केन्द्र र जनता समाजवादी पार्टीले

काठमाडौँ । नेपालको संवैधानिक व्यवस्थाअनुसार वर्तमान प्रधानमन्त्री केपी शर्मा ओलीले प्रतिनिधिसभाबाट विश्वासको मत प्राप्त गर्न सक्नुभएन । अहिलेको सरकार नेपालको

काठमाडौं । माधवकुमार नेपाल र झलनाथ खनालसहित नेकपा एमालेका २८ जना सांसदले प्रधानमन्त्री केपी शर्मा ओलीलाई विश्वासको मत दिन अश्वीकार

काठमाडौं । प्रधानमन्त्री केपी शर्मा ओलीलाई संसदबाट विश्वासको मत प्राप्त भएन । संसदले विश्वासको मत नदिएपछि उनी पदमुक्त भएका छन्