कांग्रेस सभासद् लक्ष्मी परियार माथि आक्रमण

२६ चैत्र २०६८, आईतवार २०:०५ मा प्रकाशित

उदयपुर, चैत २६ । कांग्रेस सभासद् लक्ष्मी परियारलाई युवाहरुको एक समूहले कुटपिट गरेका छन् । सो समुहले सभासद् लक्ष्मी परियारलाई उदयपुरको त्रियुगा नगरपालिका ८ बगहास्थित सालधारी चौकमा आइतबार बिहान आक्रमण गरेका हुन् ।

ना ३ ख ५०७२ नम्बरको परेली यातायतमा काठमाडौंबाट गाइघाट आउँदै गरेकी सभासद् परियारलाई बिहान ५ बजे सालधारी चौकमा बस रोकेर ८/९ जनाको समूहले कुटपिट गरेको हुन्। उनलाई परियारसँगै एउटै बसमा चढेर आएका राजन मगरको समूहले कुटपिट गरेको प्रहरीले जनाएको छ ।

काठमाडौबाटसँगै आएका मगरसँग बाटोमा सभासद् परियारका कान्छा भाइ सन्दिप टेलरसँग वादविवाद भएको बिषयलाई लिएर युवकको समूहले बस रोकेर तल झारेर कुटपिट गरेको परियारले वताइन् । कुटपिटबाट परियारको अनुहार र तिघ्रामा चोट लागेको छ ।

सँगै आएका मगरले बोलाएको युवक समूहले भाइलाई कुट्न खोज्दा बचाउ गरेको भन्दै आफूलाई पनि लात्तै-लात्तले हानेको सभासद् उनले वताइन् ।

सभासद् परियारकालाई कुटपिट गर्ने समूहको पहिचान भइसके पनि पक्रन नसकेको प्रहरीले बताएको छ।’

परियार कांग्रेसकी समानुपातिक सभासद् हुन् । उनी कांग्रेस क्षेत्र नम्वर १ उदयपुरको क्षेत्रिय सम्मेलनमा भाग लिन आएकी हुन् ।

प्रतिक्रिया
सम्बन्धित खवर

काठमाडौं। सभामुख अग्नि सापकोटाविरुद्ध परेको मुद्दामा सर्वोच्च अदालतको संवैधानिक इजलासले बुधबार सुनुवाइ गरेन ।प्रधानन्यायाधीश चोलेन्द्र शमशेर जबरा नेतृत्वको संवैधानिक इजलासमा

जिल्लाको दिपायल सिलगढी नगरपालिका–७ तथा पूर्वीचौकी गाउँपालिका–१ को सीमाक्षेत्र बुढोबाँज भन्ने ठाउँमा बेवारिसे अवस्थामा एक महिलाको शव फेला परेको छ

काठमाडौं । चैत्र शुक्ल नवमीका दिन मर्यादा पुरुषोत्तम भगवान् रामचन्द्रको सम्झनामा मनाइने ‘रामनवमी’ पर्व आज देशभरि श्रद्धा र भक्तिपूर्वक पूजा

काठमाडौं- प्रत्येक वर्ष चैत्र शुक्ल अष्टमीका दिन मनाइने चैते दशैँ पर्व आज नेपालीले घर घरमा नवदुर्गा भगवतीको पूजा आराधना गरी