वैद्य समूहले लत्यायो निर्वाचन आयोगको अनुरोध

६ असार २०७०, बिहीबार ०७:१४ मा प्रकाशित

रासस, काठमाडौं, ६ असार । आगामी मङ्सिर ४ गते संविधानसभाको निर्वाचन सम्पन्न गर्न कार्यतालिका प्रकाशित गरेको निर्वाचन आयोगले बुधबार विभिन्न छ राजनीतिक दलसँग निर्वाचनको वातावरण सहज बनाउन छलफल गरेको छ। छलफलमा अन्य मुख्य दलहरु उपस्थित भए पनि नेकपा–माओवादी भने आयोगका अधिकारीहरुको अनेक प्रयत्नपछि पनि अनुपस्थित रह्यो।
छलफलपछि पत्रकारसँग कुरा गर्दै आयोगका सदस्य अयोधीप्रसाद यादवले निर्धारित समयमै निर्वाचन सम्पन्न गर्न कहिँकतैबाट अवरोध नहुने वातावरण तयार पार्न सबै दलहरूबाट सहयोगको अपेक्षा गरिएको बताए। उनले नेकपा–माओवादी आजको छलफलमा अनुपस्थिति भएपनि त्यसलाई पुनः छलफलमा आउन आग्रह गरिने जानकारी दिए।
नेपाली काँग्रेसका नेता रामचन्द्र पौडेलले यही असार मसान्तसम्ममा मतदाता नामावली सङ्कलन गर्नेदेखि असोजको पहिलो हप्ता उम्मेदवार मनोनयन गर्नेलगायतका कार्यक्रम तयार गरेर आयोगले चुनावका लागि वातावरण तयार पार्न आग्रह गरेको उल्लेख गर्दै आफ्नो दल यसका लागि हदैसम्म लचक भएको र अन्य दललाई पनि चुनावमा सरिक हुन पहल गर्ने बताए। उनले चुनावको विकल्प नभएको र अन्तिम निकास नै चुनाव भएको बताए।
एमाओवादीका नेता पोष्टबहादुर बोगटीले निर्वाचनको कार्यतालिका अलि साँघुरो भएकाले यसमा बाधा नहोस् भन्ने आयोगको अपेक्षाअनुसार वातावरण सहज बनाउन आफ्नो दलले पनि पहल गर्ने बताए।
आयोगले अहिलेसम्म एक करोड २० लाख मतदाताको नाम सङ्कलन गरिसकेको र यसको सङ्ख्या एक करोड ५४ लाखसम्म पुग्ने अनुमान गरेको जानकारीमा पनि बैठकमा दिइएको उनले जानकारी दिए।
सो छलफलमा नेकपा (एमाले)का अध्यक्ष झलनाथ खनाल, नेकाँका उपसभापति पौडेल, एमाओवादीका महासचिव पोष्टबहादुर बोगटी, मधेसी जनअधिकार फोरमका सल्लाहकार अमरेश नारायण झा, मधेसी जनअधिकार फोरम लोकतान्त्रिकका रामेश्वर राय यादव र सङ्घीय समाजवादी पार्टी नेपालका वरिष्ठ उपाध्यक्ष रिजवान अन्सारी सहभागी थिए।

प्रतिक्रिया
सम्बन्धित खवर

काठमाडौं । आठ वर्षअघि सुन्दरी प्रतियोगिताकी एक प्रतिस्पर्धीले आफूमाथि आयोजकले बलात्कार र यौन शोषण गरेको घटना सार्वजनिक गरेसँगै काठमाडौंको माइतीघरमा

हेटौंडा । स्थानीय तह निर्वाचन २०७९ अन्तर्गत हेटौंडा उपमहानगरपालिकाको अन्तिम मत परिणाम सार्वजनिक भएको छ । उपमहानगरपालिकाको मेयर पदमा नेकपा

काठमाडौं । प्रदेश सांसदबाट राजीनामा दिएर तीन जना नेता स्थानीय तह निर्वाचनमा लडे । करोडौं बजेट परिचालन गर्न पाइने र

कैलाली । कैलालीको लम्कीचुहा नगरपालिकाको मेयर र उपमेयरमा सुशीला शाही र जुना चौधरी निर्वाचित भएका छन् । नेपाली कांग्रेसबाट शाही