चौथो अन्तर्राष्ट्रिय नेपाली कविता पुरस्कार पदम गौतमको ‘सपना पछ्याउँदै’ कवितालाई

१ असार २०७०, शनिबार २१:२१ मा प्रकाशित

न्युयोर्क । एएनए नेपाली साहित्य प्रतिष्ठान उत्तर अमेरिकाद्वारा आयोजित चौथो अन्तर्राष्ट्रिय नेपाली कविता महोत्सवमा मोरङका पदम गौतमको ‘सपना पछ्याउँदै’ शीर्षकको कविता प्रथम भएको छ । आयोजक शुक्रबार जारी गरेको विज्ञप्तिअनुसार काठमाडौंकी हरिमाया भेटवालको ‘आमा र घाम’ कविता दोस्रो र पोखराका ईश्वरमणि अधिकारीको ‘घर’ कविता तेस्रो भएको छ । महोत्सवमा प्रथम हुने कविले एक हजार अमेरिकी डलरसहित ‘एनएम शुभद्रा भानुभक्त काव्य पुरस्कार’ दोस्रोले तीन सय अमेरिकी डलरसहित ‘शर्मा मुडभरी मोतीराम काव्य पुरस्कार’ र तेस्रोले दुई सय डलरसहित ‘वसुन्धरा गणेश रोका देवकोटा पुरस्कार’ पाउने छन् ।
कविता प्रतियोगिताका लागि १८ देशबाट अंग्रेजी र नेपाली भाषामा जम्मा २ सय २७ वटा कविता प्राप्त भएको जनाइएको छ । कविता महोत्सब आयोजना गर्न प्रतिष्ठानका उपाध्यक्ष एवं साहित्यकार विनोद रोका प्रमुख संयोजक र कवि गोवर्द्धन पूजा उपसंयोजक रहेको समिति गठन गरिएको थियो । कविता मूल्याकंनका लागि उपाध्यक्ष रोकाकै संयोजकत्वमा साहित्यकारहरु तुलसी दिवस, उषा शेरचन, डा. हरिहरप्रसाद भट्टराई, विप्लव प्रतीक, गोवर्द्धन पूजा र नीलम कार्की नीहारिका रहेको निणर्ायक समिति गठन गरिएको थियो । तीनै जनालाई जुलाई ४ देखि ६ सम्म न्युयोर्कमा हुने एएनएको ३१ औं सम्मेलन अवसरमा पुरस्कार हस्तान्तरण गरिने उपसंयोजक गोवर्द्धन पूजाले जानकारी दिए ।

प्रतिक्रिया
सम्बन्धित खवर

जिन्दगीको परीक्षार्थीलाई मूल ग्रन्थ बेच्दैन सन्दर्भ पुस्तक पनि बेच्दैन केवल गेसपेपर बेच्छ आजको बजार । विद्रोह चेत बोकेर कविता लेख्ने

काठमाडौं । विशिष्ट व्यक्तिका मुहारलाई क्यान्भासमा सजाउने दोस्रो संस्करणको पहिलो अवसर गैरआवासीय नेपाली सङ्घ (एनआरएनए)का पूर्वअध्यक्ष जीवा लामिछानेलाई जु¥यो ।

नेपाल फ्रान्स कुटनीतिक सम्बन्ध स्थापनाको ७०औ वर्षगाँठको उपलक्ष्यमा प्रकाशित स्मारिका “कर्म” को नेपालस्थित फ्रान्सेली राजदूत फ्रन्स्वा जाभिए लेजेर पेरिसस्थित नेपाली

नेपाली पत्रकारहरुको अन्तर्राष्ट्रिय सञ्जाल (इञ्जा)ले स्रष्टा राजेन्द्र पराजुलीको संस्मरणात्मक कृति ‘कोटेश्वरको केटो’ लाई उत्कृष्ट साहित्यिक कृति पुरस्कार प्रदान गर्ने घोषणा