चिनीयाँ कम्पनीहरुसँग कारोबार नगर्ने बैंकर एसोसियसनको निर्णय

२९ जेष्ठ २०७०, बुधबार ०८:१७ मा प्रकाशित

काठमाडौं, २९ जेठ । मेलम्ची खानेपानी विकास समिति, ठेकेदार कम्पनी चाइना रेलवे १५ र चाइना कन्सट्रक्सन बैंकसँग देशभरका वाणिज्य बैंकले कुनै काम नगर्ने सहमति गरेका छन् । चाइनिज ठेकेदार कम्पनीको लापरबाहीका कारण ठेक्का रद्द गरेको समितिले यस विषयमा चीनमा मुद्दा परेपछि पनि रोकिएको ग्यारेन्टीको रकम असुल गर्न सहयोग नगरेका कारण उल्लेखित संस्थाहरुसँग कारोबार नगर्ने निर्णय बैंकरले गरेका हुन् । मेलम्ची ठेक्कामा कन्स्ट्रक्सन बैंकको काउन्टर ग्यारेन्टीका रूपमा हिमालयन र बैंक अफ काठमाडौं बसेका थिए ।
बैंकर्स संघका अध्यक्ष राजनसिंह भण्डारीका अनुसार रकम उपलब्ध गराउनुको सट्टा मुद्दा हालेर बस्दा पनि सरकारले कुनै कदम नचालेपछि पछि पनि यस्तै घटनाको पुनरावृत्ति हुने डरले बैंकरहरुले ती कम्पनीहरुसँग कारोबार नै नगर्ने निर्णय गर्नुपरेको हो । चीनबाट रकम ल्याउन नसके अन्य योजनामा पनि यस्ता घटना दाहोरिन सक्ने सम्भावना बढ्ने अध्यक्ष भण्डारीको कथन छ ।
चिनियाँ पक्षले सरकारलाई आरोप लगाइरहे पनि सरकारले खण्डन नगरेको र रकम ल्याउन कुनै पहल नगरेको उनको गुनासो छ ।
स्मरण रहोस्, मेलम्चीको ठेक्का पाएको चाइना रेलवे १५ ले काम पूरा गर्न नसकेपछि ग्यारेन्टीबापतको रकम फिर्ता ल्याउन समस्या भइरहेको छ । ग्यारेन्टी बसेको चाइना कन्सट्रक्सन बैंकले रकम नदिई उल्टै मुद्दा हालेर समस्या बढाएको बैंकरहरुको भनाई छ ।

प्रतिक्रिया
सम्बन्धित खवर

देशभर पछिल्लो २४ घण्टामा थप चार हजार ९६१ जनामा कोरोना सङ्क्रमण पुष्टि भएको छ । यो सङ्ख्या शनिबार देखिएको नयाँ

काठमाडौं । संघीय संसद्अन्तर्गत प्रतिनिधिसभाको बैठक आगामी १६ माघमा बोलाइएको छ । यसअघि ३ माघमा बस्ने गरी बोलाइएको बैठक कोभिड

नेपाली कांग्रेसका केन्द्रीय सदस्य एवं पूर्व उपप्रधानमन्त्री विजयकुमार गच्छदारले भर्खरै सम्पन्न नेपाली कांग्रेसको १४औँ महाधिवेशनपछि पार्टीमा कुनै असहजता नरहेको बताउनुभएको

म्याग्दीका सरकारी कार्यालयबाट सेवा लिन र होटलमा बस्न कोरोनाविरुद्धको खोप लगाएको कार्ड अनिवार्य देखाउनुपर्ने भएको छ । जिल्ला कोभिड–१९ सङ्कट