एमाओवादीको बैठकमा भारतीय राजदूतको उपस्थिति, केन्द्रीय समिति बैठकको एजेण्डा तय

२५ जेष्ठ २०७०, शनिबार २१:१५ मा प्रकाशित

काठमाडौं, २५ जेठ । एमाओवादीले भोली आइतबारदेखि बस्न लागेको केन्द्रीय समितिको बैठकमा पेस गर्ने एजेण्डाहरूको टुङ्गो लगाएको छ । पार्टी अध्यक्ष पुष्पकमल दाहाल निवास लाजिम्पाटमा शनिबारबसेको पदाधिकारी र सङ्गठन विभागको संयुक्त बैठकले केन्द्रीय समितिको बैठकमा प्रस्तुत गर्ने राजनीतिक तथा समसामयिक विषयका एजेण्डाहरू तय गरेको हो । बैठकपछि सञ्चारकर्मीहरूसँग कुरा गर्दै महासचिव पोष्टबहादुर बोगटीले केन्द्रीय समितिमा थप गर्ने केन्द्रीय सदस्यहरू, पार्टीको स्थायी समिति, पोलिटब्युरो तथा विभिन्न विभागको गठनसम्बन्धी एजेण्डा टुङ्ग्याइएको बताए ।
उत्पादन, निर्माण तथा व्यवस्थापन विभागको गठन र सो विभागको सम्बन्धमा कार्यदलले तयार गरेको प्रतिवेदनमाथि पनि बैठकमा छलफल भएको थियो । एमाओवादीले गत माघमा सम्पन्न सातौँ महाधिवेशनले राजनीतिक परिवर्तनलाई संस्थागत गर्नका लागि आर्थिक उन्नतिको प्रक्रियालाई अगाडि बढाउने योजना अगाडि सारेको थियो ।
त्यस्तै बैठकमा नेकपा एमालेलगायतका राजनीतिक दलबाट एमाओवादीमा प्रवेश गरेका रामचन्द्र झा, उर्मिला अर्याल तथा अरू नेता तथा कार्यकर्ताहरूलाई दिइने जिम्मेवारीको विषयमा समेत छलफल भएको महासचिव बोगटीको भनाइ छ ।
यसैबीच पदाधिकारहिरुको संयुक्त बैठक चलिरहेकै बेला अचानक बैठकस्थलमा प्रकट भएका भारतीय राजदूत जयन्त प्रसादसँग प्रचण्डले गोप्य छलफल गरेका छन् । नेपालको राजनीतिक परिवेश अत्यन्त अन्योलपूर्ण रुपमा गुज्रिरहेको बेला एमाओवाी अध्यक्षको निवासमै पुगेका भारतीय राजदूत र अध्यक्ष प्रचण्डबीच के कुराकानी भयो भन्ने सन्दर्भमा एमाओवादीकै नेताहरुबीच अनेक अडकलवाजी चलिरहेको बुझिएको छ ।

प्रतिक्रिया
सम्बन्धित खवर

काठमाडौँ ।श्रीमतीको हत्या गरेर जेल परेका सशस्त्र प्रहरीका पूर्व डीआईजीको सजाय घटाउने गरी निलम्बित प्रधानन्यायाधीश चोलेन्द्र शम्सेर राणाले गरेको फैसला

काठमाडौं । सर्वोच्च अदालतले बारामा अन्तर्राष्ट्रिय विमानस्थल निर्माण गर्ने सरकारका अहिलेसम्मका सबै काम कारबाही तथा निणर्यहरु बदर गरिदिएको छ ।

काठमाडौं । स्थानीय निर्वाचनमा सोचेअनुरुपको जीत हासिल गर्न नसकेपछि नेकपा एमाले अध्यक्ष केपी शर्मा ओली सन्निपातको विरामीझै बरबराउन थालेका छन्

काठमाडौं । फोर्ब्स म्यागेजिनले सार्वजनिक गरेको ३० वर्ष मुनिका ३० जना प्रभावशाली एसियान युवाको सूचीमा ५ जना नेपाली परेका छन्