संविधानसभामा एक सय मात्र सदस्य बनाउन बिजुक्छेको सुझाव

२२ जेष्ठ २०७०, बुधबार २०:१३ मा प्रकाशित

रासस, भक्तपुर, २२ जेठ । नेपाल मजदुर किसान पार्टीका अध्यक्ष नारायणमान बिजुक्छेले बाह्य शक्तिका कारण सरकारले चुनावको मिति घोषणा गर्न नसकेको आरोप लगाउनुभएको छ । भक्तपुरको रफत सञ्चार क्लबमा आज आयोजना गरिएको अन्तक्र्रिया कार्यक्रममा उहाँले विदेशी शक्तिले तत्काल चुनावको मिति घोषणा गर्न अवरोध पु¥याएकाले चार दल र सरकारले निर्वाचनको मिति घोषणा गर्न नसकेको दाबी गर्नुभयो ।
बिजुक्छेले भन्नुभयो—“जब ती बाह्य शक्तिका लागि समय अनुकूल हुन्छ, तबमात्र उसकै इसारामा चार दलीय सहमतिको नाटक गरेर सरकारले निर्वाचनको मिति घोषणा गर्छ ।”
समानुपातिकतर्फ एक प्रतिशत मत ल्याउनुपर्ने गरी ‘थ्रेसहोल्ड’ लागू भए संविधानसभाको निर्वाचन सम्भव नुहने भन्दै उहाँले भन्नुभयो,‘‘थ्रेसहोल्ड लागू भए सीमित दलहरू मात्र संविधानसभामा आउँने र अर्को निर्वाचनमा ती दलहरू पनि समाप्त हुन्छन ।’’
दलहरूले अहिले मन्त्रिपरिषद्का अध्यक्ष खिलराज रेग्मीलाई हटाएर आफैँ सत्तामा जाने षडयन्त्र गरेको आरोप लगाउँदै बिजुक्छेले भन्नुभयो—“विगतमा पनि एमाओवादीकै कारणले संविधान बन्न सकेन, विदेशीको इसारामा नाच्ने यिनै दलहरूका कारण अब निर्वाचन पनि बिथोलिन सक्छ ।”
आगामी निर्वाचनमा संविधानसभाको सदस्य सङ्ख्या एकसय भन्दा बढी बनाउन नहुने उल्लेख गर्दै उहाँले धेरै सदस्यले काम नहुने तर देशको बजेट मात्र सकिने बताउनुभयो ।

प्रतिक्रिया
सम्बन्धित खवर

काठमाडौं।निर्वाचन घोषणाको सवालमा सत्तारूढ गठबन्धन संविधान र कानूनको परिपालना भन्दा पनि बढी नाफा र घाटाको जोडघटाउमा लागेको छ । कानून

दाङ। कोरोना भाइरसको संक्रमणबाट बच्नका लागि दाङमा अग्रपंक्तिमा रहेर काम गर्नेहरूलाई खोप दिन थालिएको छ । स्वास्थ्यकर्मी, सपाइकर्मी, सुरक्षाकर्मी र सञ्चारकर्मीलाई

सुर्खेत। कर्णालीका मुख्यमन्त्री जीवनबहादुर शाहीले आफ्नो सम्पत्ति विवरण सार्वजनिक गरेका छन् । मुख्यमन्त्री भएको करिब चार महिनापछि आफ्नो सम्पत्ति विवरण सार्वजनिक

दाङ। कोरोना संक्रमण दर बढ्दै जाँदा नागरिक स्तरबाट भने स्वास्थ्य सुरक्षा मापदण्ड पालनामा गम्भीर लापर्वाही देखिएको छ । स्वास्थ्य क्षेत्रका जानकारहरूले कोरोना संक्रमणबाट