राजदूत बोडी र अध्यक्ष खनालबीच भेटवार्ता

२१ जेष्ठ २०७०, मंगलवार १९:०४ मा प्रकाशित

काठमाडौं, २१ जेठ । नेपालका लागि अमेरिकी राजदूत पिटर डी बोडी र एमाले अध्यक्ष झलनाथ खनालबीच भेटवार्ता भएको छ । एमाले कार्यालय बल्खुमा भएको भेटमा भेटमा राजदूत बोडीले संविधानसभाको निर्वाचन, नेपालको वर्तमान राजनीतिक अवस्था लगायतका विषयमा चासो राखेका एमाले स्रोतले बतायो । राजदूत बोडीले सम्पूर्ण राजनीतिक दल सहमतिपूर्वक निर्वाचनमा भाग लिने विश्वास व्यक्त गर्दै नेपालको निर्वाचनलाई स्वच्छ, निष्पक्ष र धाँधलीरहित बनाउन अमेरिका नेपाललाई सघाउन तयार रहेको जानकारी दिएका थिए । उनले न्यूनतम मत प्रतिशतको सीमा लगायतका विषय विश्वका अन्य मुलुकमा रहेको भए पनि नेपालीको निर्णय नेपालका जनता र राजनीतिक पार्टीले नै गर्ने बताए भने अध्यक्ष खनालले दलहरुबीच संवादको क्रम जारी रहेको र केही दिनभित्रै सहमति हुने विश्वास व्यक्त गरे । कतिपय राजनीतिक दलको असन्तुष्टिका बावजुद मुलुक दोस्रो संविधानसभाको निर्वाचनतर्फ उन्मुख भएको र आगामी मङ्सिरभित्र संविधानसभाको निर्वाचन गर्न वर्तमान सरकार, निर्वाचन आयोग र मुख्य राजनीतिक दलहरु तयार रहेको पनि खनालले बताएका थिए। यसैबीच नेपालका लागि रुसका राजदूत सेरगेइ भिलिकेनले पनि मंगलबार नै एमाले अध्यक्ष खनालसँग भेटवार्ता गरेका छन् ।

प्रतिक्रिया
सम्बन्धित खवर

काठमाडौं। राष्ट्रियसभाको निर्वाचन सकिएसँगै सत्ता गठबन्धनको भविष्य के हुन्छ भन्ने प्रश्न उब्जिएको छ। सत्ताघटकका अन्य दलले गठबन्धनलाई आगामी संघीय र

काठमाडौं।एमालेमा गएका पूर्वमाओवादी नेताहरू अहिले पछुताउन थालेका छन् । एमाले नेतृत्व व्यक्तिवादी भएको र आफ्ना गुनासोको सुनुवाई नगरेको भन्दै केहि

काठमाडौं । त्रिभुवन विमानस्थल अध्यागमनका कर्मचारीले कार्यालय समयमा मोबाइल चलाउन नपाउने भएका छन् । त्रिभुवन विमानस्थल अध्यागमन कार्यालयले शुक्रबार एक

काठमाडौँ । राष्ट्रिय फुटबल टोलीका कप्तान किरणकुमार लिम्बूले मौरिससविरुद्धको खेलमा नयाँ अनुभव बटुल्ने बताएका छन् । मौरिससविरुद्धको पहिलो मैत्रीपूर्ण खेलअघि