कांग्रेसले आइतबार राजधानीमा दबाबमुलक जनप्रदर्शन गर्ने

२४ चैत्र २०६८, शुक्रबार २०:२५ मा प्रकाशित

काठमाडौ, २४ चैत्र । कांग्रेसले जेठ १४ भित्र शान्ति प्रक्रिया टुंग्याई संविधान जारी गर्न दबाब दिने उदेश्यले आइतबार राजधानीमा बृहत् जनशक्ति प्रदर्शन र आमसभा गर्ने भएको छ । कांग्रेसले तय गरेको कार्यक्रमअनुसार राजधानीको रत्नपार्कस्थित स्व. गणेशमान सिंहको शालिकमा माल्यार्पण गरी जुलुस वसन्तपुरमा पुगेर सभामा परीणत हुनेछ ।

कांग्रेसले माओवादी नेतृत्व जिम्मेवार नभएकै कारण शान्ति प्रक्रिया र संविधान निर्माण कार्य अनिश्चित बनेको उल्लेख गर्दै जनआन्दोलन दिवस चैत २६को सन्दर्भ पारेर राजधानीमा बृहत् जनप्रदर्शन र आमसभा गर्ने घोषणा गरेको हो ।

काठमाडौं कांग्रेसका तर्फबाट सभापति भीमसेनदास प्रधानले शुक्रबार वक्तव्य जारी गरी माओवादीले विभिन्न समयमा गरेका सहमति र सम्झौता उल्लंघन गरी नयाँ शर्त थपेर शान्ति प्रक्रिया र संविधान निर्माणमा अवरोध सिर्जना गरेको हुदाँ नयाँ संविधानका लागि व्यापक जनदबाब सिर्जना गर्न कार्यक्रम घोषणा गरिएको उल्लेख गरेका छन् ।

कांग्रेसले समयमै शान्ति र संविधान निर्माण गर्न तथा बढ्दो हत्या, असुरक्षा, दण्डहीनता, भ्रष्टाचार, महँगी र राज्य आतंक बन्द गर्नका लागि हुने लोकतन्त्रवादीहरूको जनशक्ति प्रदर्शनमा सहभागी हुन आम नागरिक समाज र पार्टी नेता, कार्यकर्ता र शुभेच्छुकलाई आह्वान गरेको छ । सभाको नेतृत्व कांग्रेस संसदीय दलका नेता रामचन्द्र पौडेल, महामन्त्री प्रकाशमान सिंह, नरहरि आचार्यलगायतका नेताले गर्ने जानकारी पार्टीले दिएको छ ।

प्रतिक्रिया
सम्बन्धित खवर

काठमाडौँ । नेपालमा पछिल्लो चौबीस घण्टामा थप ३ हजार ३८३ जनामा कोरोना संक्रमण पुष्टि भएको छ। स्वास्थ्य मन्त्रालयका अनुसार १०

काठमाडौं । सरकारले नेपाल विद्युत् प्राधिकरणको कार्याकारी निर्देशकमा कुलमान घिसिङलाई फेरि ल्याउने तयारी गरेको छ । पछिल्लो समय विद्युत आपुर्तिमा

काठमाडौं । निर्वाचन आयोगले विभिन्न ४१ वटा राजनीतिक दलको दर्ता खारेज गरेको छ । आयोगले खारेज भएका प्रत्येक राजनीतिक दललाई

रुपन्देही । लुम्बिनी प्रदेशमा विपक्षी गठबन्धनले मुख्यमन्त्री शंकर पोखरेलविरुद्ध अविश्वासको प्रस्ताव दर्ता गरेको छ । विपक्षी नेपाली कांग्रेस, माओवादी केन्द्र,