मंसिरमा चुनाव हुनेमा नेम्वाङले जनाए आशङ्का

१८ जेष्ठ २०७०, शनिबार १३:४६ मा प्रकाशित

काठमाडौं, १८ जेठ । प्रधानन्यायाधीशको नेतृत्वमा सरकार गठन भएदेखि नै असन्तुष्ट रहँदै आएका पूर्वसभामुख सुवासचन्द्र नेम्वाङले आगामी मंसिरमा निर्वाचन हुनेमा आशंका जनाएका छन् । निर्वाचनका लागि सरकार बनेको अढाइ महिना बितिसक्दा पनि राजनीतिक दलहरु विवादमा अल्झिरहेका र सरकारले मितिसम्म पनि तोक्न नसकेको अवस्थाबारे आपत्ति प्रकट गर्दै उनले चुनाव हुनेमा सन्देह व्यक्त गरेका हुन् । 
सुनसरीको इटहरीमा संविधानसभा सूचना केन्द्रले आयोजना गरेको नागरिक संवाद कार्याक्रममा बोल्दै नेम्वाङले निर्वाचनको विकल्प नभएको स्पष्ट हुँदाहुँदै पनि दलहरु अझै निर्वाचनका बारेमा अन्योलमा रहेको साथै केही दलले सहभागिता नजनाउने अडान राखेकाले चुनाव हुनेमा आशंका बढेको बताए । विगतमा पनि राजनीतिक दलहरुको स्वार्थका कारणले संविधान निर्माण नभई संविधानसभा अवसान हुन पुगेको टिप्पणी पनि उनले गरे ।
यसरी दिनानुदिन राजनीतिक माहोल बिग्रिएर जनतामा निराशा बढ्दै जानुमा दलहरुको अकर्मण्यता नै प्रमुख दोषी रहेको नेम्वाङको ठहर छ ।

प्रतिक्रिया
सम्बन्धित खवर

काठमाडौं।विश्वभरी नै कोरोना संक्रमित बढिरहेका छन् । कोरोनाको ओमिक्रोन भेरियन्टका कारण संक्रमणको ग्राफ विश्वभर एकैपटक बढेको हो । पछिल्लो २४

चितवन । वर्षेनी वर्षात्को समयमा मानवबस्ती पस्ने नारायणी नदीमा रु चार अर्ब ७२ करोड बराबरको तटबन्ध निर्माण सुरु गरिएको छ

काठमाडाैं । प्रमुख प्रतिपक्षी नेकपा (एमाले)का उपमहासचिव विष्णु रिमालले सत्ता गठबन्धनले मनाउने अन्तिम ‘उत्सव’ खुम्चिएको बताएका छन् । बुधबार १९

एजेन्सी । चीनको राज्य संचालित ग्लोबल टाइम्समा जनवरी २४ मा प्रकाशित एक लेखमा केहि अज्ञात विशेषज्ञहरुलाई उद्धृत गर्दै अमेरिका र