किन स्थगन भयो स्ववियु निर्वाचन ?

१७ जेष्ठ २०७०, शुक्रबार ०६:५८ मा प्रकाशित

काठमाडौं, १७ जेठ । विद्यार्थी संगठनहरुबीच विवाद, क्याम्पसहरूमा तालाबन्दी र झडप हुन थालेपछि त्रिभुवन विश्वविद्यालय पदाधिकारी वैठकले आगामी २३ गते हुने भनिएको स्ववियु निर्वाचन स्थगन गरेको छ । .विवादपछि विद्यार्थी संगठनबाट भएको भौतिक आक्रमण र मानसिक दवावले असुरक्षित महसुस गरेर त्रिवि केन्द्रीय क्याम्पससहितका केही क्याम्पसका निर्वाचन समितिले राजिनामा दिएका र अझै अनिष्ठको सम्भावना बढेकोले चुनाव स्थगनको निर्णय लिनुपरेको सम्वद्ध स्रोतले जनाएको छ । त्रिवि उपकुलपति, शिक्षाध्यक्ष, रजिष्टार र विद्यार्थी कल्याण तथा खेलकुद शाखा प्रमुख सहितको वैठकले ‘चुनावी वातावरण प्रतिकुल भएको’ निर्णय लिएको थियो ।
स्थगनको घोषणा गर्नुअघि त्रिवि उपकुलपति हीराबहादुर महर्जनले त्रिवि पदाधिकारी राखेर चार विद्यार्थी संगठनसित विहीवार छलफल गरेका थिए । छलफलमा ‘चुनावकेन्द्रीत विवादमा विद्यार्थी संगठनले आपसमा सहमति नगरे’ त्रिविले जबरजस्ती चुनाव स्थगन गर्न बाध्य हुने बताएका थिए भने  नेकपा(माओवादी पक्षधर आखिल क्रान्तिकारीले चुनावी प्रयोजनका लागि गरिएका विद्यार्थी भर्ना खारेज गर्न नसके विश्वविद्यलायले उनीहरुलाई मतदानको अधिकार दिन नहुने अडान राखेको थियो । उक्त अडानप्रति एमाओवादी अखिल क्रान्तिकारीले विमती जनाएपछि चुनावको वातावरण बिग्रेको हो । एमाओवादी पक्षको अखिल क्रान्तिकारीले त्रिविले तोकेको समयसीमामै भर्ना भएकाले उनीहरुको मताधिकार सुरक्षित गर्नुपर्ने बताएको थियो । विवादमा आएका क्याम्पसमा छानविन समिति गठन गरेर भए पनि तोकिएकै मितिमा चुनाव गर्नुपर्नेमा उसको जोड थियो ।
एमाओवादी अखिल क्रान्तिकारीले क्रान्तिकारीको बन्द विरुद्ध हिमाल शर्मा नेतृत्वको क्रान्तिकारीले देशभरका क्याम्पसमा तालाबन्दी गरेपछि वातावरण विग्रदै गएको हो । उसले त्रिवि पदाधिकारीलाई केही दिन अघि ज्ञापन बुझाएर ‘तत्काल चुनावी वातावरण नबनाए आन्दोलनको चेतावनी’ दिएको थियो ।
स्मरण रहोस्, चुनावका लागि पर्चा, पम्प्लेट, मोबाइलमा रिंग ब्याक टोन, कार्यकर्तालाई खानपान लगायतमा विद्यार्थी संगठनले दैनिक हजारौं रुपैया खर्चिसकेका छन् भने पाँच वर्षपछि हुन लागेको स्ववियु निर्वाचनको अर्को तिथिको कुनै टुंगो लगाइएको छैन । मुलुककै मिनि निर्वाचनका रुपमा हेरिएको विद्यार्थी चुनाव स्थगन भएबाट आगामी संविधानसभाको निर्वाचन पनि अनिश्चित बन्न पुगेको एकथरीले विश्लेषण गर्न थालेका छन् ।

प्रतिक्रिया
सम्बन्धित खवर

देशभर पछिल्लो २४ घण्टामा थप चार हजार ९६१ जनामा कोरोना सङ्क्रमण पुष्टि भएको छ । यो सङ्ख्या शनिबार देखिएको नयाँ

काठमाडौं । संघीय संसद्अन्तर्गत प्रतिनिधिसभाको बैठक आगामी १६ माघमा बोलाइएको छ । यसअघि ३ माघमा बस्ने गरी बोलाइएको बैठक कोभिड

नेपाली कांग्रेसका केन्द्रीय सदस्य एवं पूर्व उपप्रधानमन्त्री विजयकुमार गच्छदारले भर्खरै सम्पन्न नेपाली कांग्रेसको १४औँ महाधिवेशनपछि पार्टीमा कुनै असहजता नरहेको बताउनुभएको

म्याग्दीका सरकारी कार्यालयबाट सेवा लिन र होटलमा बस्न कोरोनाविरुद्धको खोप लगाएको कार्ड अनिवार्य देखाउनुपर्ने भएको छ । जिल्ला कोभिड–१९ सङ्कट