हङकङे साहित्यकारहरुको तेह्रौं मासिक श्रृंखला सम्पन्न

१७ जेष्ठ २०७०, शुक्रबार ०४:१७ मा प्रकाशित

टोप बहादुर याक्खा, हङकङ । विगतमा झैं हङकङबासी साहित्यकार एवं साहित्यनुरागी महानुभावहरुको बाकुलो उपस्थिति बीच हङकङ नेपाली महासंघको कार्यालयमा “हङकङ साहित्यिक साझा श्रृंखला” को तेह्रौं श्रृंखला सम्पन्न भयो । नव संयोजक श्री टोप बहादुर याक्खालाई श्वागत तथा एक वर्षे आफ्नो कार्यकालमा कुशल कार्यभार सम्हालेर गत महिना विदाई हुनु भएका निवर्तमान संयोजक श्री चन्द्र मादेन “आन्छान” लाई धन्यवाद ज्ञापन गर्दै शुरु भएको उक्त कार्यक्रममा कवि तथा साहित्यकारहरु श्री नरेश सुनुवार, श्री राज कुमार राई, श्री दाजु गुरुङ, श्री प्रेम कुमार कोरङ्गी, श्री चन्द्र मादेन आन्छान, श्री त्रिभुवन लुङफुङवा, श्री सन्तोष याक्खा, सुश्री पुर्णिमा शाह, श्री बल्लभ रोका, श्री विष्णु इङनाम, श्री हेम थापा, श्री मेख बहादुर आले, श्री हस्त लिवाङ, श्री टोप बहादुर याक्खा आदिको उपस्थिति रहेको थियो भने विशेष अतिथिको रुपमा नेपालबाट काम विशेषले पाल्नु भएका चर्चित गीतकार एवं कवि श्री रमेश अधिकारी र गीतकार, संगितकार एवं गायक श्री ओम शंकर कर्माचार्यको समेत उपस्थिति रहेको थियो ।

यसै साझा श्रृंखला मार्फत निकट भविश्यमै हङकङबासी सम्पूर्ण साहित्यकारहरुको सृजनालाई समावेश गरेर एउटा “स्मारिका” प्रकाशन गर्ने, पारिजातद्धारा लिखित चर्चित उपन्यास “शिरिषको फूल” को कथामा आधारित नेपाली चलचित्र “शिरिषको फूल” प्रदर्शन लगायतका विविध साहित्यिक विषयमा छलफल तथा निर्णय संगै विशेष अतिथिद्धय श्री रमेश अधिकारी तथा श्री ओम शंकर कर्माचार्यले कविता वाचन तथा गीत गाएर सुनाउनु भएको थियो । यस्तैगरि सुश्री पुर्णिमा शाह, श्री हेम थापा, श्री मेख बहादुर आले, श्री दाजु गुरुङ, श्री बल्लभ रोका, श्री चन्द्र मादेन, श्री टोप बहादुर याक्खा आदिले समेत कविता तथा गजल वाचन गरेर सुनाउनु भएको थियो ।

अन्त्यमा अतिथिद्धय श्री रमेश अधिकारी, श्री ओम शंकर कर्माचार्य लगायत श्री राज कुमार राई, श्री नरेश सुनुवार, श्री दाजु गुरुङ, श्री प्रेम कुमार कोरङ्गी आदिले वाचित सम्पूर्ण सृजनाहरुको खुलेर प्रशंसा गर्दै समग्र कार्यक्रमको बारेमा समेत समिक्षा गरेका थिए ।

प्रतिक्रिया
सम्बन्धित खवर

सरकारले ३० वैशाखमा स्थानीय तहको चुनावको मिति घोषणा गरेको छ। स्थानीय तहको चुनाव नजिकिँदै गर्दा कांग्रेसका सभापति तथा प्रधानमन्त्री शेरबहादुर

ताप्लेजुङ । माङ्गेना अनलाइन टिभीको प्रस्तुति रहेको ‘पालाम’को शनिवार ताप्लेजुङ सदरमुकाम फुङ्लिङमा विमोचन गरिएको छ । माघे संक्रान्ति अर्थात् कक्फेक्वा

काठमाडौँ । २०७७ सालको मदन पुरस्कार भगिराज इङनामको लिम्बुवानको ऐतिहासिक दस्तावेज सङ्ग्रह (सम्वत् १७१९-२०२०) ले पाएको छ ।मदन पुरस्कार गुठीले

नुवाकोट स्थायी घर भई काठमाडौँमा रहेर साहित्य सिर्जनामा सक्रिय सर्जकको संस्था त्रिशूली वाङ्मय प्रतिष्ठानको बाह्रौँ साधारणसभाले आगामी दुई वर्षका लागि