स्ववियु निर्वाचनको बिरोधमा पूर्वी जिल्ला बन्द !

१६ जेष्ठ २०७०, बिहीबार ०९:३९ मा प्रकाशित

काठमाडौं, १६ जेठ । स्ववियु निर्वाचनको विरोध गर्दै लिम्बुवान संगठनसम्बद्ध विद्यार्थी युनियनहरुले पूर्वमा बन्द आह्वान गरेका छन् । स्वबियु चुनाव पूर्णसमानुपातिक आधारमा नगरिएको भन्दै लिम्बुवानका विद्यार्थी संगठनहरुले विरोध गरेका हुन् । आगामी जेठ २३ गते मुलुकभरका क्याम्पसमा गर्ने भनिएको स्वतन्त्र विद्यार्थी युनियन चुनावको विरोध गर्दै आयोजना गरिएको बन्द कार्यक्रमले पूर्वको जनजीवन ठप्प तुल्याएको छ । बन्दका कारण लामो दूरीका दिवा तथा छोटो दूरीका साधन चल्न नसकेको बताइएको छ ।
अरुणपूर्वका ९ वटा जिल्लामा यातायातका साधन चलेका छैनन् । बन्दले यातायात नचल्दा ताप्लेजुङ, पाँचथर, इलाम, धनकुटा, सुनसरी, झापा, भोजपुरलगायत जिल्लाका सर्वसाधारण गन्तव्य पुग्न पाएका छैनन् । मेची र कोसी राजमार्ग तथा पूर्वपश्चिम राजमार्गको इटहरी पूर्वको क्षेत्रमा पनि सवारी आवागमन ठप्प रहेको जनाइएको छ ।
समानुपातिक आधारमा चुनाव नगरिए स्ववियु निर्वाचन बहिष्कार गर्ने चेतावनी दिंदै आएका ती संगठनले  धनकुटा, इलाम, मोरङलगायत जिल्लाका विभिन्न क्याम्पसहरुमा यसअघि तालाबन्दी गरिसकेका छन् ।

प्रतिक्रिया
सम्बन्धित खवर

काठमाडौं । भरतपुर महानगरपालिका प्रमुखमा नेकपा माओवादी केन्द्रकी मेयर उम्मेदवार रेनु दाहालले फराकिलो अग्रता लिएकी छन् । पछिल्लो सार्वजनिक मतपरिणमअनुसार गठबन्धनकी

काठमाडौँ । काठमाडौँ महानगरपालिकाको प्रमुख पदमा स्वतन्त्रतर्फबाट उम्मेदवारी दिएका बालेन्द्र शाहले फराकिलो अग्रतालाई कायमै राखेका छन् । मुख्य निर्वाचन अधिकृत कार्यालय

यातायात व्यवस्था विभागले जेठ ४ गतेबाट लागू हुने गरी सार्वजनिक यातायातको भाडा वृद्धि गरेको छ। विभागले मङ्गलबार सूचना जारी गर्दै

काठमाडौं ।स्थानीय तह निर्वाचनको मतगणनाको नजिता आउने क्रम चलिरहेको छ। अहिलेसम्म देशभरका चार सय ४ स्थानीय तहको अन्तिम नतिजा सार्वजनिक