पदको लोभमा राजनीतिमा लागेको होइन: नायिका रेखा थापा

१४ जेष्ठ २०७०, मंगलवार १८:०८ मा प्रकाशित

काठमाडौं । एकीकृति नेकपा माओवादीमा औपचारिक रुपमै प्रवेश गरेकी नायिका रेखा थापाले आफू कुनै पनि पदको लोभमा राजनीतिमा नलागेको बताएकी छिन् ।

फिल्म नेपालसँग कुराकानी गर्दै रेखाले पलायन हुँदा युवा जगत्मा निराशा पैदा हुने हुँदा देशमै बसेर केही गर्न सकिन्छ भनेर राजनीतिमा लागेको बताएकी हुन् । ‘म मन्त्री भइएला वा प्रधामन्त्री बनिएला भनेर राजनीतिमा लागेको होइन,’ उनले भनिन्, ‘कलाकारले नाच्न गाउन मात्रै होइन निर्णायक तहमा पुगेर काम गर्न सक्छन् भन्ने प्रमाणित गर्न पनि राजनीतिमा लागेकी हुँ ।’

कलाकार विदेश गएमा वा पेशाबाट पलायन भएमा फिल्म जगत्मा केही रहेनछ भन्ने सन्देश जाने हुँदा पनि स्वदेशमै केही गर्नुपर्ने उनको भनाइ छ । ‘हामी पलायन भए नवप्रवेशीहरु आत्तिन सक्छन्,’ आफूभन्दा सिनियर नायिका करिष्मा मानन्धर अमेरिका गएको बेला आफूमा आएको अनुभव बाँड्दै रेखाले भनिन्, ‘त्यस्तो नहोस् भन्नका लागि पनि मैले यहीं केही गर्नुपर्छ ।’

एक्लै आफ्ना कुरा राख्दा कसैले नसुनेपछि राजनीतिक संगठनमार्फत भिजन कार्यान्वयन गर्न सकिने सोच पनि छ, रेखा थापामा । संगठित आवाज राख्ने ठाउँ खोज्दै जाँदा आफू माओवादी विचारको नजिक पुगेको रेखाको स्पष्टोक्ति छ ।

नेतृत्वदायी महिला सम्बन्धी सिनेमा ‘काली’को छायांकनमा रहेकी रेखाले सुटिङपछि राजनीतिमा अझ बढी समय दिने रेखाले बताइन् । अब आफूले लामो समय राजनीतिमै बिताउने पनि उनले सुनाइन् ।
(Source:filmnepal.com)

प्रतिक्रिया
सम्बन्धित खवर

काठमाडौँ । कोरोना संक्रमण दर बढेसँगै सरकारले फिल्म हल बन्द गरे पनि फिल्म छायांकनमा भने रोक लगाएको छैन । स्वास्थ्य

काठमाडौं । साउथ स्टार धनुष र उनकी पत्नी ऐश्वर्या रजनीकान्त हाल अलग्गिएको घोषणाले चर्चामा छन् । उनीहरूले सामाजिक सञ्जालबाट आफूहरू

काठमाडौं । फिल्ममा आइटम गीत निकै रुचाइने गरिएको छ । एक आइटम नम्बरका लागि अभिनेत्रीहरु करोडौं रुपैंयाँ पारिश्रमिक लिन्छन् ।

काठमाडौं । दक्षिण भारतीय फिल्म उद्योगका लोकप्रिय जोडी अभिनेत्री सामन्था रुथ प्रभु र अभिनेता नागा चैतन्यले सन् २०२१ अक्टोबर २