चाल्स शोभराजको विषयमा फिल्म बन्ने

१४ जेष्ठ २०७०, मंगलवार १८:०३ मा प्रकाशित

काठमाडौं । विकनी किलरको नामबाट चचिर्त कुख्यात अपराधी चाल्स शोभराजको विषयमा फिल्म बन्ने भएको छ। एक अमेरिकी नागरिकको हत्या अभियोगमा नेपालको जेलमा आजीवन कारावासको सजाय भुक्तान गरिरहेका शोभराज अन्तर्राष्ट्रिय रुपमै ख्याति कमाएका अपराधी हुन्। तर, उनको जीवनीमा आधारित भएर बन्न लागेको फिल्म भने बलिउडमा हो । फ्रान्सेली नागरिक शोभराजमाथि दक्षिण एसियाका लगभग सबै मुलुकमा विदेशी पर्यटकलाई आफ्नो शिकार बनाएको आरोप छ। उनीमाथि सुन्दर युवतीलाई आफ्नो जालमा फसाएर हत्या गर्न माहिर भएको आरोप पनि अन्तर्राष्ट्रिय स्तरमा समेत लागेको छ। बलिउडमा उनको जीवनका विषयमा बन्न लागेको फिल्मलाई पूजा भट्टले निर्माण गर्न लागेकी हुन्। जुन फिल्मको नाम ‘ब्याड’ भएको जनाइएको छ। फिल्मका निर्देशक परवाल रमन भएको भारतीय संचारमाध्यमहरूले जनाएका छन्। ‘जिस्म–२’ र ‘मर्डर–३’ जस्ता फिल्ममा काम गरिसकेका अभिनेता रणदीप हुड्डा यस फिल्ममा चाल्स शोभराजको भूमिकामा देखिन लागेको बताइएको छ । रणीपले हालैमा उक्त फिल्मको दुई दिनको सुटिङ पनि गरेको जनाइएको छ ।

प्रतिक्रिया
सम्बन्धित खवर

काठमाडौं । मिस युनिवर्स प्रतियोगिताको ६९औं संस्करणमा नेपालको प्रतिनिधित्व गर्दै अंशिका शर्मा अमेरिका प्रस्थान गरेकी छिन् । मिस युनिवर्स प्रतियोगिताको

काठमाडौं । वरिष्ठ हाँस्य कलाकार मदनकृष्ण श्रेष्ठ पुनः अस्पताल भर्ना भएका छन् । ८ दिनसम्म अस्पतालमा उपचार गराएपछि हाँस्य कलाकार

काठमाडौं । गायिका एलिना चौहानको ‘हावामा फैलियो मधुरो गीत’ बोलको गीत सार्वजनिक भएको छ । प्रगति देवकोटाको शब्द तथा सञ्जीव

काठमाडौं । गायक सरोज अधिकारीको स्वरमा ‘दुई दिने जीवन’ सार्वजनिक भएको छ। युवापुस्तामा केन्द्रित गीतमा शब्द तथा संगीतसमेत गायक अधिकारीकै