शिक्षकको कुटाईबाट छात्र सिकिस्त

१४ जेष्ठ २०७०, मंगलवार ०८:१७ मा प्रकाशित

चन्द्रकान्त खनाल, रुपन्देही, १४ जेठ । विद्यालयमा शिक्षकले विद्यार्थीलाई यातना दिन नपाइने भनेर पटक–पटक सरकारले निर्देशन दिए पनि गुल्मीको धुर्कोट रजस्थलमा शिक्षकको कुटाईबाट एक विद्यार्थी सख्त विरामी परेका छन् । धुर्कोट रजस्थलको धुर माध्यमिक विद्यालयका शिक्षक मनोहर पन्थीको कुटाईबाट कक्षा ६ का छात्र १३ वर्षिय अर्जुन नेपाली विरामी भएका हुन् । विरामी परेको कारण गत बैशाख २६ गतेदेखि विद्यालयमा जान नसकेका नेपाली सोमबार दिउँसो शिक्षकले कुटेपछि लगातार वमन भइरहने विमारबाट पिडीत भएको उनका बुबा शेरबहादुर नेपालीले बताए । केहीदिन अघि मात्रै एपेण्डिक्सको अप्रेसन गरेको विरामीलाई गृहकार्य नगरेको भन्दै निर्घात कुटपिट गरेको उनको दाबी छ ।
‘बिरामी परेको कारण वैशाख २६ गतेदेखि विद्यालयमा नगएकोले लेख्न सक्ने अवस्था थिएन’, उनले भने– ‘किन होमवर्क गरेनस् भन्दै कोखा (पेट)मा हानेछन्, उल्टी (छाद्ने) गरेर हैरान छ ।’ विरामी छु भन्दा पनि कुटेको पिडीत अर्जुनले बताए । ‘बिरामी भएर लेख्न नसकेको भन्दा विरामी भएको भए घर पो बस्नु पर्छ स्कूल किन आएको ? भन्दै कुटे ।’ – उनले भने । आफूले विद्यालयमा छोरा विरामी भएको जानकारी गराएको र उपचार गर्न जाँदा विरामी विदा लेखेको भए पनि विरामी विद्यार्थी कुटेर अन्याय गरेको शेर बहादुरको गुनासो छ । ‘मैले विरामी भन्ने जानकारी गराएको थिएँ, विरामी विदा पनि लेखेको हो थाहा हुँदाहुँदै कुट्नुभएछ – उनले भने – ‘तर हेडसरले २÷३ सय विद्यार्थी छन् , हामीलाई के थाहा क–कसलाई के हुन्छ भनेर ? भन्ने जवाफ फर्काउनुभयो । ’ विरामी नेपालीको धुर्कोट् प्राथमिक स्वाथ्यक केन्द्रमा उपचार भैरहेको छ । भर्खरै अप्रेसन गरेको विारमी छोरालाई ठूलै समस्या भयो भने आफूसंग उपचार खर्च नभएको शेब बहादुरको भनाई छ । उनले जथाभावी गर्ने शिक्षकलाई विद्यालयले सचेत गराउनुपर्ने र कुटाईबाट घाईते बालकको उपचार गर्नुपर्ने माग गरेका छन् ।

प्रतिक्रिया
सम्बन्धित खवर

काठमाडौं । स्थानीय निर्वाचनमा सोचेअनुरुपको जीत हासिल गर्न नसकेपछि नेकपा एमाले अध्यक्ष केपी शर्मा ओली सन्निपातको विरामीझै बरबराउन थालेका छन्

काठमाडौं । फोर्ब्स म्यागेजिनले सार्वजनिक गरेको ३० वर्ष मुनिका ३० जना प्रभावशाली एसियान युवाको सूचीमा ५ जना नेपाली परेका छन्

काठमाडौं । यसपटकको स्थानीय तहको निर्वाचनमा एमाले नराम्ररी पछारिएको छ । अघिल्लो निर्वाचनको भन्दा ९० स्थानीय तहमा मात्र पराजित भएको

काठमाडौं । एमाले अध्यक्ष केपी ओलीलाई प्रधानमन्त्रीबाट पदच्युत गरी देउवालाई प्रधानमन्त्री बनाउन माधवकुमार नेपालको ठूलो योगदान छ । यदि माधव