शान्ति प्रक्रिया नटुङ्ग्याई संविधान बनाउन सकिदैन: एमाले नेता नेपाल

२४ चैत्र २०६८, शुक्रबार १८:०८ मा प्रकाशित

काठमाडौ, २४ चैत्र । एमाले वरिष्ठ नेता माधवकुमार नेपालले सेना समायोजन र शान्ति प्रक्रिया टुङ्गोमा नपुर्‍याई बन्ने संविधान लोकतान्त्रिक नहुने बताएका छन् ।

गाविस कर्मचारी सङ्घ नेपालको तेस्रो राष्ट्रिय भेलालाई सम्बोधन गर्दै उनले संविधान निर्माणको पूर्व शर्तका रूपमा नै सेना समायोजन र शान्ति प्रक्रिया रहेकाले यो बिना बन्ने संविधान मान्य नहुने बताए ।

चैत ३० गतेसम्ममा शिविर खाली गरी सरकारलाई हस्तान्तरण गर्ने र शिविरका लडाकुलाई उनीहरूको योग्यताअनुसारको पदमा राख्ने निर्णय नेपाली सेनाले गर्ने बताउँदै उनले चैत ३० सम्म यो कार्य सम्पन्न नभए संविधान निर्माण कार्य नै प्रभावित हुने उल्लेख गरे ।

सङ्घीयता र शासकीय स्वरूपका बारेमा दलहरूबीच छलफल भइरहेको बताउँदै नेता नेपालले भने, ‘अबको एक सातामा सङ्घीयतासम्बन्धी सम्पूर्ण कार्य सम्पन्न गरी सेना समायोजनको काम सम्पन्न गर्ने विषयमा छलफल गर्नेछौं।’

सम्पूर्ण जनताको हकअधिकारलाई सम्बोधन गर्ने संविधान निर्माण गर्नेर्छौं भन्दै उनले अब पनि संविधान नबने मुलुक द्वन्द्वमा फस्ने भएकाले लोकतान्त्रिक संविधान निर्माण गर्नुपर्ने बताए ।

उनले स्थानीय सरकारको धारणालाई संविधानमा उल्लेख गर्नुपर्ने बताउँदै स्थानीय निकायअन्तर्गत रहेका जिविस, गाविस र नगरपालिकालाई संवैधानिक हैसियत दिँदै स्थानीय निकायको अधिकार विकेन्द्रीकरणसम्बन्धी नयाँ प्रावधानतर्फ विचार पुर्‍याउनुपर्ने बताए ।

भेलामा गाविस कर्मचारीले निजामती कर्मचारीसरह पारिश्रमिक र सेवासुविधा नपाएको गुनासो गरेका थिए ।

उनीहरूले स्थानीय निकायको आन्तरिक स्रोतबाट पारिश्रमिक पाइरहेको बताउँदै स्थानीय निकायको आन्तरिक स्रोत नभए पारिश्रमिक नै नपाउनेस्थितिको सिर्जना भएकाले सरकारले यसतर्फ ध्यान दिनुपर्ने बताए ।

कार्यक्रममा उत्कृष्ट कार्य गरेबापत विष्णु गाविसका नासु राजकुमार थापालाई पुरस्कृत गरियो । नेपालभर ३ हजार ९ सय १५ गाविसमा ३५ हजारभन्दा बढी कर्मचारी छन् । रासस

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार