नेवि संघका नेतामाथि अखिल (क्रान्तिकारी)द्वारा सांघातिक आक्रमण

१२ जेष्ठ २०७०, आईतवार १८:४१ मा प्रकाशित

काठमाडौं, १२ जेठ । आगामी २३ गते हुन गइरहेको स्ववियु निर्वाचन नजिकिँदै गर्दा विद्यार्थी संगठनहरु एकापसमा हिंसात्मक रुपमा उत्रन थालेका छन् । यस क्रममा धरानस्थित महेन्द्र बहुमुखी क्याम्पसका नेविसंघका नेता तथा कार्यकर्तामाथि अनेरास्ववियु (क्रान्तिकारी)ले सांघातिक आक्रमण गरेका छन् । अखिल (क्रान्तिकारी)को आक्रमणबाट नेविसंघका क्याम्पस इकाइ अध्यक्ष चन्द्रसुन्दर खेवाङ्ग र टकेन्द्र राईलगायतका कार्यकर्ता घाईते भएका छन् । 
चुनावी विषयमा उठेको विवाद बढ्दै जाँदा क्रान्तिकारी पक्ष एक्कासी हिंसामा उत्रिएको बताइएको छ । आक्रमणको नेविसंघले विज्ञप्ति जारी गरेर घोर भत्र्सना गर्दै दोषीलाई कारबाहीको माग गरेको छ । विज्ञप्तिमा नेवि संघलेआफ्ना नेता तथा कर्याकर्तालाई अखिल (क्रान्तिकारी)ले सुनियोजित रुपमा सांघातिक आक्रमण गरेको आरोप लगाउँदै भनेको छ, ‘शिक्षा आर्जन गर्ने पवित्र मन्दिर भित्र माओवादी पार्टीको मिलिमोतोमा अखिल (क्रान्तिकारी)का गुण्डाहरुले गरेको निन्दनीय घटनाको तत्काल छानविन गरी दोषीलाई कडा कारवाही गर्नु पर्छ, अन्यथा अखिल (क्रान्तिकारी)का विरुद्ध कडा आन्दोलन गर्ने छौं ।’

प्रतिक्रिया
सम्बन्धित खवर

काठमाडौँ ।श्रीमतीको हत्या गरेर जेल परेका सशस्त्र प्रहरीका पूर्व डीआईजीको सजाय घटाउने गरी निलम्बित प्रधानन्यायाधीश चोलेन्द्र शम्सेर राणाले गरेको फैसला

काठमाडौं । सर्वोच्च अदालतले बारामा अन्तर्राष्ट्रिय विमानस्थल निर्माण गर्ने सरकारका अहिलेसम्मका सबै काम कारबाही तथा निणर्यहरु बदर गरिदिएको छ ।

काठमाडौं । स्थानीय निर्वाचनमा सोचेअनुरुपको जीत हासिल गर्न नसकेपछि नेकपा एमाले अध्यक्ष केपी शर्मा ओली सन्निपातको विरामीझै बरबराउन थालेका छन्

काठमाडौं । फोर्ब्स म्यागेजिनले सार्वजनिक गरेको ३० वर्ष मुनिका ३० जना प्रभावशाली एसियान युवाको सूचीमा ५ जना नेपाली परेका छन्