बन्दकीमा बाँधिएको टारबारी :: सुजन सेलिङ “लुङमहीम साईला”

११ जेष्ठ २०७०, शनिबार ०३:५५ मा प्रकाशित

“युन्छोमीको बा !
सिरबन्दी र कण्ठ बेचेर
निखन्नु टारबारी,
भो बरु म
लाउदिन गहनापात” ।
सुमसुम्याउदै सयनमा
युन्छोमीकी आमाले
माङ्हाङ्लाई भन्थी,
माङ्हाङ परदेश हिंड्ने बेलामा ।

कता कता
स्वाभिमान बेचिएको नामर्दो
आभास गर्दै अध्यारोमा
युन्छोमीकी आमालाई सुमसुम्याउदै
लामो श्वास तानेर बिस्तारै
माङ्हाङ स्वाभिमान बोल्यो
आफ्नो अर्धाङ्गिनिसँग ।

“अ;ह बेच्नु हुँदैन,
सिरबन्दी र कण्ठ
हाम्रो प्रेमको निसानी हो,
म कसरी बेचु ?”

माङ्हाङको अघिल्तिर
प्रस्नै प्रश्न उभियो
फालेलुङ् हिमाल जत्रो ।

झिसमिसे बिहानीमा
युन्छोमीको आमाले हालिदिएको
एक झोला माया बोकेर
हानिन्छ माङ्हाङ परदेश ।

माङ्हाङ्ले टारबारी निखन्नु छ जसरी ।

बाबु बाजेको निसानी
पुर्खाको नासो
टारबारी भरी भरी पोखिएको छ,
उसले उठाउनु छ -पुर्खाको सिर ।

आफ्नो टारबारीमा
अर्काले
जोर-जोर हल गोरु नारेर
जोत्दै गारेको
माङ्हाङ हेर्न सक्दैनथ्यो,
सहन सक्दैनथ्यो,

सहन सकोस पनि कसरी ?
टारबारीको फाट् भरी भरी
टारबारीको डिल भरी भरी
आफ्नो पुर्खा उभिएर
रोइरहेको देख्थ्यो उ ।

अनी त
माङ्हाङ ! आज
बन्दकीको साङ्लोले बाँधेको
टारबारी निखन्नलाई
जिन्दगी लड्दैछ उ,
त्यो समुन्द्र पारीको
बिरानो देशमा ।

८ फेब्रुअरी २०१३
बिरानो देशबाट

प्रतिक्रिया
सम्बन्धित खवर

सरकारले ३० वैशाखमा स्थानीय तहको चुनावको मिति घोषणा गरेको छ। स्थानीय तहको चुनाव नजिकिँदै गर्दा कांग्रेसका सभापति तथा प्रधानमन्त्री शेरबहादुर

ताप्लेजुङ । माङ्गेना अनलाइन टिभीको प्रस्तुति रहेको ‘पालाम’को शनिवार ताप्लेजुङ सदरमुकाम फुङ्लिङमा विमोचन गरिएको छ । माघे संक्रान्ति अर्थात् कक्फेक्वा

काठमाडौँ । २०७७ सालको मदन पुरस्कार भगिराज इङनामको लिम्बुवानको ऐतिहासिक दस्तावेज सङ्ग्रह (सम्वत् १७१९-२०२०) ले पाएको छ ।मदन पुरस्कार गुठीले

नुवाकोट स्थायी घर भई काठमाडौँमा रहेर साहित्य सिर्जनामा सक्रिय सर्जकको संस्था त्रिशूली वाङ्मय प्रतिष्ठानको बाह्रौँ साधारणसभाले आगामी दुई वर्षका लागि