विद्यार्थीहरुका समस्या समाधानका लागि लण्डनमा रेस्क्यु सेमिनार

१० जेष्ठ २०७०, शुक्रबार ०१:११ मा प्रकाशित

धर्मराज अधिकारी, लण्डन । युके बोर्डर एजेन्सीले विद्यार्थी भिषामा कडाई गर्दै ल्याएपछि हजारौं विद्यार्थीहरु मारमा परेका छन । प्राइभेट कलेजमा पढ्ने विद्यार्थीहरुलाई त्यसले अझै मार थपिदिएको छ ।

यस्तै प्राइभेट कलेजमा पढ्ने विद्यार्थी तथा युनिभर्सिटी जान चाहनेहरुको समस्यालाई मध्यनजर गर्दै साउथ लण्डन कलेज स्टुडेण्ट रिप्रेजेण्टेटीभ काउन्सील (एसआरसी) ले फ्रि स्टुडेण्ट रेस्क्यु सेमिनार सम्पन्न गरेको छ ।

गतसाता विलविच स्थित साउथ लण्डन कलेजमा सम्पन्न रेस्क्यु सेमिनारमा भिषा एक्स्टेण्सन, नयां कोर्ष, अध्यागमन कानुन, लगायतका विषयमा विद्यार्थीहरुका जिज्ञासा समाधान गरीएको एसआरसीले जनाएको छ ।

सेमिनारबाट करीब दुईसय भन्दा बढि विद्यार्थीहरु लाभान्वित भएका थिए । सेमिनारमा सहभागि विद्यार्थी राजु देशारका अनुसार कानुनका ज्ञाताहरुले भिषा एक्स्टेन्सन, युकेबिएको पछिल्लो नियम, कोर्ष तथा कलेज छान्दा अपनाउनुपर्ने सावधानी लगायतको विषयमा जानकारी दिइएको थियो ।

उनले सेमिनार फलदायी र उपलब्धि मुलक भएको बताए । धेरै कानुनी जटिलता र अड्चनहरु फुकाउने मौका मिलेको देशारको जिकिर थियो ।

त्यस्तै साउथ लण्डन कलेजका अर्का विद्यार्थी सुजन श्रेष्ठको भनाईमा पनि सेमिनार उपलब्धि पुर्ण थियो । द्विविधामा रहेका कुराहरु छर्लङ्ग भयो, श्रेष्ठले भने,‘अब यिनै कुराहरुलाई लिएर वकिलहरुकोमा धाइरहनुपर्ने जरुरत रहेन ।’

पहिलो र दोश्रो खण्डमा विभाजन गरी सम्पन्न सेमिनारमा इम्मिग्रेसन कानुनका ज्ञाता मजदुर चौधरी, राजन नजरान लगायतले कानुनी परामर्श दिएका थिए ।

सो अवसरमा कलेजका प्रबन्ध निर्देशक राजन कंडेल, एसआरसी प्रेसीडेण्ट सुर्य तामाङ तथा प्रतिनिधिहरुको सहभागिता थियो । आयोजक एसआरसी अध्यक्ष तामाङका अनुसार सो अवसरमा प्रधानमन्त्रीलाई बुझाउने ई पेटिन्सनको बारेमा जानकारी दिएका थिए ।

१०० जनाको हस्ताक्षर भएपछि इ पेटिण्सन सोझै प्रधानमन्त्री क्यामरुनलाई बुझाइने उनको भनाई थियो । सेमिनार सफल पार्न नेप्लिज स्टुडेण्ट वेलफेयर सोसाइटी तथा बंगलादेशी स्टुडेण्ट युरोप युनीयनले सर्पोट गरेको थियो ।

प्रतिक्रिया
सम्बन्धित खवर

अमेरिका। अमेरिकाको मेरिल्याण्डमा अवस्थित मोर्गन स्टेट युनिभर्सिटीमा कार्यरत एक नेपाली मूलका प्राध्यापकले सो विश्वविद्यालयले प्रदान गर्ने रिसर्च एण्ड स्कलरसिप अवार्ड

न्युयोर्क। पत्रकारितामार्फत मानवताका क्षेत्रमा असाधारण सेवा गरेवापत न्युयोर्क निवासी पत्रकार किशोर पन्थीलाई अमेरिकाको विश्वविद्यालयले मानार्थ पीएचडी अर्थात् डाक्टर अफ फिलोसोफीबाट

काठमाडौं । न्यूयोर्क राज्य संसदको चुनावमा पहिलो पटक नेपाली मूलकी एक युवती सांसद बन्ने सम्भावना बढेको छ । नेपाली मुलकी

काठमाडौं ।अमेरिकाको कनेक्टिकट राज्यमा बसोबास गर्दै आएका नेपाली मूलका राम चन्द्र श्रेष्ठ नगर समिती सदस्यमा निर्वाचित भएका छन् । गत