पत्रकार यादव पौडेलको हत्याको विरोधमा झापामा विरोध र्याली

२३ चैत्र २०६८, बिहीबार १०:२७ मा प्रकाशित

झापा, २३ चैत । झापामा पत्रकार यादव पौडेलको हत्याको विरोधमा आज ¥याली निकालिने भएको छ ।  झापाको बिर्तामोडको मुक्तिचोकबाट ¥याली निकालिने भएको हो । केही बेरमा सुरु हुने ¥यालीमा नेपाल पत्रकार महासंघ, पत्रकार महासंघ जिल्ला शाखाका प्रतिनिधिसहित जिल्लाभरका पत्रकारहरु सहभागी हुने भएका छन् । पौडेल हत्यारालाई कडा भन्दा कडा कारवाही गर्नुपर्ने, पीडित परिवारलाई क्षतिपुर्ती दिनु पर्ने लगायतका मागसहित विरोध ¥यालीको आयोजना गरिएको हो ।  ¥यालीपछि हुने कोणसभाको आयोजना गरिने भएको छ ।  पत्रकार पौडेलको हत्यारा बारेमा छानविन गर्न नेपाल पत्रकार महासंघले अध्यक्ष शिव गाउँलेको अध्यक्षतामा सात सदस्यिय छानविन समिति गठन गरेको छ भने घटनाका बारेमा छानविन गर्न नेपाल प्रेस युनियले पनि समिति गठन गरिसकेको छ । समितिका सदस्यहरु हिजो नै झापा पुगिसकेका छन् ।  झापाको बिर्तामोडमा रहेको नयाँ बसपार्कमा अज्ञात् समूहले हिजो यादव पौडेलको हत्या गरेको हो । पौडेल एभिन्यूज टेलिभिजन र राजधानी दैनिकका झापा संवाददाता तथा झापाको न्यू मेचीटाइम्स दैनिकका कार्यकारी सम्पादक पदमा कार्यरत हुनुहुन्थ्यो ।

प्रतिक्रिया
सम्बन्धित खवर

काठमाडौं । प्रधानमन्त्री केपी शर्मा ओलीले नेपाली कांग्रेसका सभापति देउवासँग आफूलाई विश्वासको मत दिन आग्रह गरेका छन् । बुधबार देउवा

काठमाडौँ । नेपाल कम्युनिस्ट पार्टी (माओवादी केन्द्र)ले सरकारलाई दिएको समर्थन फिर्ताको पत्र आज संसद् सचिवालयलाई बुझाएको छ । प्रधानमन्त्री केपी

काठमाडौं । प्रधानमन्त्री केपी शर्मा ओलीले विश्वासको मत लिन संसद अधिवेशन आह्वान गरेपछि उनलाई असफल बनाउने रणनीति तय गर्न विपक्षी

काठमाडौँ । सङ्घीय संसद् सचिवालले यही वैशाख २७ गते हुने प्रतिनिधिसभा अधिवेशनका सन्दर्भमा बुधबार र बिहीबार कोभिड–१९ को पीसीआर परीक्षण