लिलाम हुने भएपछि ‘अग्नि’का बिमान ‘नमस्ते’को जिम्मामा

२८ बैशाख २०७०, शनिबार ०८:४४ मा प्रकाशित

काठमाडौं, २८ वैशाख । बैंकको ऋण तिर्न नसकेर लिलाम हुने भएपछि अग्नि एयरले आफ्ना विमानहरु नमस्ते एयरलाई जिम्मा लगाउने भएको छ । अग्नि एयरका सञ्चालक सुधीर बस्नेतले बैंकको ऋण तिर्न सकेका थिएनन् । घरजग्गामा प्रशस्त लगानी गरेका उनको कारोबार बिग्रिएपछि बैंकको ब्याज तथा साँवाको किस्ता पनि तिर्न सकेका थिएनन् ।  बैंकको ऋण तिर्न नसकेका कारण लामो समयदेखि ग्राउन्डेड भएका अग्नि एयरका जहाज आफूहरुले स्वामित्वमा लिएर आगामी असार पहिलो साताभित्रैबाट उडाउन सुरु गर्ने  नमस्ते एयरका कार्यकारी अध्यक्ष राजु केसीले जानकारी दिए । अग्निका विमान उडान तथा सञ्चालनको जिम्मा नमस्ते एयरले लिने सम्झौता गत बुधबार नै भइसकेको उनले बताए । अग्निका पाँचमध्ये तीनवटा नमस्ते एयरको नाममा र दुईवटा विमानले अग्नि एयरकै नाममा उडान भर्ने गरी सम्झौता भएको छ ।
अग्निका दुईवटा डोर्नियर विमान असार पहिलो साताभित्र उडाउने र जेट स्ट्रिम मर्मतका लागि केही समय लाग्ने भएकाले साउन मध्यदेखि थपसमेत गरी सो कम्पनीका पाँचैवटा विमानले उडान भर्ने केसीले जनाए । घरजग्गा व्यवसायी सुधीर बस्नेतले व्यवसायमा मन्दी आएकाले नाफामा रहेको अग्नि एयर पनि सञ्चालन गर्न सकेका थिएनन् । वाषिर्क २८ करोड रुपैयाँ मुनाफा गरेको र आन्तरिक उडानमा सात प्रतिशत हिस्सेदारी ओगटेको अग्नि एयरसँग दुईवटा डोर्नियर र तीनवटा जेट स्ट्रिम विमान छन् ।

प्रतिक्रिया
सम्बन्धित खवर

काठमाडौं।निर्वाचन घोषणाको सवालमा सत्तारूढ गठबन्धन संविधान र कानूनको परिपालना भन्दा पनि बढी नाफा र घाटाको जोडघटाउमा लागेको छ । कानून

दाङ। कोरोना भाइरसको संक्रमणबाट बच्नका लागि दाङमा अग्रपंक्तिमा रहेर काम गर्नेहरूलाई खोप दिन थालिएको छ । स्वास्थ्यकर्मी, सपाइकर्मी, सुरक्षाकर्मी र सञ्चारकर्मीलाई

सुर्खेत। कर्णालीका मुख्यमन्त्री जीवनबहादुर शाहीले आफ्नो सम्पत्ति विवरण सार्वजनिक गरेका छन् । मुख्यमन्त्री भएको करिब चार महिनापछि आफ्नो सम्पत्ति विवरण सार्वजनिक

दाङ। कोरोना संक्रमण दर बढ्दै जाँदा नागरिक स्तरबाट भने स्वास्थ्य सुरक्षा मापदण्ड पालनामा गम्भीर लापर्वाही देखिएको छ । स्वास्थ्य क्षेत्रका जानकारहरूले कोरोना संक्रमणबाट