पानी नपर्दा किसान चिन्तित

२५ बैशाख २०७०, बुधबार ०१:३४ मा प्रकाशित

देवचन्द्र भट्ट, नुवाकोट, , २४ बैशाख । वैशाख महिना वित्न लाग्दा समेत पानी नपरेपछि नुवाकोटका किसानहरु चिन्तित भएका छन् । आकाशे पानीको भरमा मकै तथा तरकारी खेती गर्दै आएका विभिन्न स्थानका किसानहरु वर्षात नहुँदा खेती गर्न नपाई चिन्तित भएका हुन् ।
पानी नपर्दा नुवाकोटका ठूला फाँटहरु पिपलटार, माझिटार, इनारपाटी, बट्टार, खरानीटार, गणेशस्थान, दुईपीपल, तारुका, महादेवफाँटलगायतका स्थानका हजारौं किसानहरु मकै तथा तरकारी बाली लगाउन नपाउँदा चिन्तित भएका हुन् । गतवर्ष वैशाखको दोश्रो सातामै मकै रोपिएको थियो । यस वर्ष पानी नपर्दा वैशाखको चौथो साता वित्न लाग्दा समेत मकै रोप्न नपाइएको पिपलटारका कृषक होमबहादुर न्यौपानेले वताउनुभयो ।
वर्षात नहुँदा मकै र तरकारी बाली लगाउन नपाउनुका साथै नुवाकोटमा तापक्रम समेत वृद्धि भई गर्मी बढेको छ । तापक्रम बढेर मंगलबार विदुरमा ३६ डिग्री सेन्टिग्रेड पुगेको छ । गर्मी बढेपछि सर्वसाधारण नदी तथा पोखरीहरुमा नुहाउनका लागि पुगेका छन् ।

प्रतिक्रिया
सम्बन्धित खवर

काठमाडौं । भारतले नेपाललाई १.७ लाख टन युरिया र डायमोनियम फोस्फेट (डीएपी) मल सहयोग गर्ने भएको छ । टाइम्स अफ

यातायात व्यवस्था विभागले जेठ ४ गतेबाट लागू हुने गरी सार्वजनिक यातायातको भाडा वृद्धि गरेको छ। विभागले मङ्गलबार सूचना जारी गर्दै

नेपालमा ४७ लाख मानिसमा उच्च रक्तचापको समस्या रहेको अनुमान छ । विश्व उच्च रक्तचाप दिवसका अवसरमा स्वास्थ्य सेवा विभागले यहाँ

बलेवा । बागलुङको बडिगाड गाउँपालिका–१ का ५३० घरमा एउटै आयोजनाको भर परेर पानी खानुपर्छ । त्यो पनि १२ किमी परको