एमाओवादीविरुद्ध निस्कियो ओलीको यस्तो बोली

२२ बैशाख २०७०, आईतवार १३:०६ मा प्रकाशित

काठमाडौं, २२ वैशाख । नेकपा एमालेका प्रभावशाली नेता केपी ओलीले जनयुद्धको नाममा स्थापित सबैका मुक्तिदाता ‘प्रचण्डपथ’ को सिद्धान्तसँगै माओवादी असफल भइसकेको दाबी गरेका छन् । एमाओवादीका अध्यक्ष पुष्पकमल दाहालप्रति व्यङ्ग्य गर्दै नेता ओलीले अतिवादी, उग्रपन्थी, वितण्डाकारी, हिंसावादी, उरन्ठयौलो, एकदलीय, एकाधिकारवादी भएको आरोप लगाए । नेकपा एमाले भोजपुरको सातौं जिल्ला अधिवेशन उदघाटन गर्दै आइतबार उनले संविधानसभा निर्वाचनको गलत परिणाम आएकोले संविधान नबनेको टिप्पणी गरे ।
गएको संविधानसभामा कुनै पनि राजनीतिक शक्तिले दुई तिहाई बहुमत नल्याएकाले संविधान बन्न नसकेको उल्लेख गर्दै एमाओवादीप्रति व्याङ्ग्य कसेका ओलीले भने, ‘माओवादीले संविधान बनाउनु बाँदरको खेतालाले कुन्यु ठडयाउनु जस्तै भयो ।’ माओवादीले क्रान्तिको नाममा जनतालाई धेरै दुःख दिएको पनि उनले स्मरण गरे । जनताको घरजग्गा कब्जा गर्ने, अर्काको सम्पति लुटने, मन नपरेकालाई ढुङ्गाले किच्याउने, कुटने, यातना दिने, मार्ने, धम्की दिने, युवाहरुलाई नकारात्मक क्रियाकलापतीर उक्साउने, अपराधिक गतिविधि गर्न लगाउने, तस्करी गर्ने, सत्तामा बसेर नातावाद, कृपावाद, भ्रष्टाचार, अनियमितता गरेका माओवादी जनताको सेवा आफूहरुले मात्र गर्न सक्छौँ भन्दै आउनु हास्यास्पद भएको तर्क ओलीको थियो ।

प्रतिक्रिया
सम्बन्धित खवर

काठमाडौं।निर्वाचन घोषणाको सवालमा सत्तारूढ गठबन्धन संविधान र कानूनको परिपालना भन्दा पनि बढी नाफा र घाटाको जोडघटाउमा लागेको छ । कानून

दाङ। कोरोना भाइरसको संक्रमणबाट बच्नका लागि दाङमा अग्रपंक्तिमा रहेर काम गर्नेहरूलाई खोप दिन थालिएको छ । स्वास्थ्यकर्मी, सपाइकर्मी, सुरक्षाकर्मी र सञ्चारकर्मीलाई

सुर्खेत। कर्णालीका मुख्यमन्त्री जीवनबहादुर शाहीले आफ्नो सम्पत्ति विवरण सार्वजनिक गरेका छन् । मुख्यमन्त्री भएको करिब चार महिनापछि आफ्नो सम्पत्ति विवरण सार्वजनिक

दाङ। राष्ट्रिय सभा सदस्यका लागि लुम्बिनी प्रदेशमा १२ माघमा निर्वाचन हुँदैछ । तीन पदका लागि लुम्बिनीमा निर्वाचन हुन लागेको हो । २०