माओवादी लडाकुहरुलाई चैत्र ३० गते भित्र सेनाको जिम्मा लगाईने

काठमाडौं, चैत्र  २२। माओवादी लडाकुको रेखदेख, समायोजन र पुनस्थापना बिशेष समितिले लडाकुहरुलाई चैत ३० गते भित्र नेपाली सेनालाई  जिम्मा लगाउने निर्णय गरेको छ । बुधबार साँझ शीर्ष नेताहरुसहित बसेको बिशेष समितिको बैठकले विवादमा रहेको दर्जा, मापदण्ड र ब्रिजिङ कोर्षको समयावधीलाई  थाति राखेर अन्य कार्य अघि बढाउने गरी कार्यतालिका निर्माण गरेको हो ।
कार्यतालिका अनुसार चैत २४ गतेदेखि पुनःवर्गीकरणको काम अगाडि बढाइनेछ । २४ गते राजधानीबाट जाने समिति मातहत सचिवालयको टोलीले २५ गते क्याम्प खडा गर्ने, २६ गते आवश्यक तयारी गरी २७ गतेदेखि पुनःवर्गीकरणको काम सुरु गर्ने छ । २७ गतेदेखि सुरु हुने पुनःवर्गीकरण अगाडि नै विवादित महानिर्देशनालय, दर्जा निर्धारण, विशेष तालिम र छनोट समितिमा सहमति जुटाउने निर्णय भएको छ ।

कार्यतालिकाको पूर्ण विववरण
माओवादी सेनाका लडाकुहरूको समायोजन कार्ययोजना
माओवादी सेनाका लडाकुहरूको रेखदेख, समायोजन र  पुनर्स्थापनसम्बन्धी विशेष समिति २०६८ चैत  नेपालको अन्तरिम संविधान, २०६३ को धारा १४६ बमोजिम गठित विशेष समितिको मिति २०६८।१२।२२ को निर्णयअनुसार माओवादी सेनाका लडाकुहरूको लागि समायोजनको कार्ययोजना र कार्यतालिका देहायबमोजिम तय गरिएको छ :
१.     समायोजनका लागि देहायबमोजिम केन्द्रहरू निर्धारण गरिएको छ:-
हाल मुख्य तथा सहायक शिविरहरूमा रहेका माओवादी सेनाका लडाकुहरूलाई समायोजन कार्यको लागि नेपाली सेनासँग समन्वय गरी पायक पर्ने निम्नअनुसारका समायोजन केन्द्रहरू निर्धारण गरिएको छ ।
(क) अधिकृत तहका लागि: मध्य पृतनाअन्तर्गत शम्सेर दल गण,  भरतपुर
(ख) अन्य दर्जाको लागि:
I.                        पूर्वी पृतना हेडक्वाटर, ईटहरी:          i.  चुलाचुली, ईलाम – मुख्य शिविर     ii.  टाँडी,  मोरङ – सहायक शिविर    ९ नं बाहिनी अड्डा, सिन्धुली:          i.  दुधौली, सिन्धुली – मुख्य शिविर  ii.  बेलसोत, उदयपुर – सहायक शिविर .  मध्य पृतना, सुपारीटार, हेटौंडा:         i.  शक्तिखोर, चितवन – मुख्य शिविर    ii.  गैरीवारी, चितवन – सहायक शिविर ,     २२ नम्बर बाहिनी अड्डा, बुटवल:    i.  झ्यालटुङडाँडा, नवलपरासी – मुख्य शिविर .   ii.  हात्तिखोर, नवलपरासी – सहायक शिविर ,    मध्य पश्चिम पृतना हेडक्वाटर, सुर्खेत:    i.  दशरथपुर, सुर्खेत – मुख्य शिविर,    ii.  लेखफर्सा, सुर्खेत– सहायक शिविर,    १९ नं बाहिनी अड्डा, दाङ:        i.  दहवन, रोल्पा – मुख्य शिविर,    ii.  उवा, मसिना – सहायक शिविर,    ५ नं बाहिनी अड्डा, तेघरी, कैलाली:    i.   तालबन्द,कैलाली– मुख्य शिविर, बढैपुर, कैलाली – सहायक शिविर. ii.                 गोरङ्गे,  कैलाली– सहायक शिविर
पुनश्च:- नेपाली सेनाको प्रस्तावअनुसार समायोजन केन्द्रहरू थप हुन सक्नेछन् ।