काभ्रेका बलात्कारीहरु जेल चलान, स्याङ्जामा १८ वर्षिया भइन् बलात्कारको शिकार

१९ बैशाख २०७०, बिहीबार २२:५५ मा प्रकाशित

काठमाडौं, १९ वैशाख । गत चैत्र १३ गते काभ्रे काफ्लेथोककी एक किशोरीमाथि सामूहिक बलात्कार गर्ने सात जनालाई अदालतले जेल पठाउने आदेश दिएको छ । रातको समयमा डकैत शैलीमा घरभित्र छिरेका हतियारधारी समूहले मेथिनकोट गाविस ८ की १६ वर्षीया किशोरीमाथि सामूहिक बलात्कार गरी घरमा लुटपाट मच्चाएका थिए । 
सामूहिक बलात्कार गर्ने सात जना अभियुक्तहरुमा काभ्रे सिपाली चिलाउने ३ का ५४ बर्षे शंखमान मोक्तान, मेथिनकोट ९ का २५ बर्षे बिशाल भन्ने पञ्च बहादुर स्याङतान तामाङ, शिखरआम्बोटे ८ का २२ बर्षे कुमार बिक, मेथिनकोट ८ का १८ बर्षे रामबहादुर स्याङतान तामाङ र सिपाली चिलाउने ३ का २० बर्षे ट्यापे भन्ने आकाश तामाङमा, शिखरआम्बोटे ८ घर भई हाल काठमाडौ बौद्ध बस्ने कृष्ण बिक, बनेपा ८ बस्ने जानुका थापा रहेका छन् । जानुकाले अपराधी समूहलाई बलात्कारका लागि उक्साएकी किटानी जाहेरी परेको थियो ।
यसैबीच स्याङ्जा साँखर गाविसकी एक १८ वर्षीया सामूहिक बलात्कारको सिकार भएकी राससले जनाएको छ । सामान्य बिरामी भई रामपुर अस्पतालमा उपचार गराई घर फर्किरहेको बेला मोटरसाइकलमा आएका चार युवाको समूहले आफूलाई बलात्कार गरेको पीडित युवतीले जानकारी दिएकी छन्। दुई वटा मोटरसाइकलमा आएका युवाले साँखर गाविस–८ स्थित सालघारीमा लगेर बलात्कार गरेको युवतीलाई उद्धृत गर्दै स्थानीय उद्धारकर्ता गोविन्द गैह्रेले जानकारी दिए । बताइएअनुसार युवतीको यौनाङ्ग, टाउको, घाँटीसहित शरीरका विभिन्न भागमा चोट लागेको छ।
राति ९ बजेको समयमा सालघारीभित्र रोइरहेको सुनेर बटुवाले स्थानीयवासी र प्रहरीलाई खबर गरेपछि युवतीको उद्धार गरिएको अस्थायी प्रहरी चौकी साँखरका प्रमुख सोमबहादुर कुमालले जानकारी दिए ।
उनको अहिले पाल्पा मिसन अस्पतामा उपचार भइरहेको छ। बलात्कारमा संलग्न युवा भने फरार रहेका र उनीहरूको खोजी तीव्र पारिएको प्रहरीले जनाएको छ । समय समयमा बर्बराउने युवती कहिले होसमा आउने त कहिलो बेहोस हुने गरेको आफन्तले बताएका छन्।

प्रतिक्रिया
सम्बन्धित खवर

काठमाडौं । देशभरका ६ महानगरपालिकामा सत्तारुढ गठबन्धनले अधिकांशमा अग्रता बढाइरहेको छ । पछिल्लो मत परिणामअनुसार पाँच महानगरमा गठबन्धनको अग्रता छ भने

कैलाली । कैलालीको धनगढी उपमहानगरपालिकामा स्वतन्त्र उम्मेदवार गोपाल हमालले आफ्नो अग्रतालाई झन फराकिलो बनाउँदै लगेका छन् । २३ हजार २२३

झापा । झापामा एक नगरपालिकासहित चार स्थानीय तहको अन्तिम नतिजा सार्वजनिक भएको छ । बुधबार बिहानसम्म चार स्थानीय तहको अन्तिम मत परिणाम सार्वजनिक

काठमाडौं । भरतपुर महानगरपालिका प्रमुखमा नेकपा माओवादी केन्द्रकी मेयर उम्मेदवार रेनु दाहालले फराकिलो अग्रता लिएकी छन् । पछिल्लो सार्वजनिक मतपरिणमअनुसार गठबन्धनकी