माओवादीको जडसुत्रवादी धारले मुलुक बिगारेको खनालको दाबी

१४ बैशाख २०७०, शनिबार २०:५२ मा प्रकाशित

रासस, काठमाडौं, १४ वैशाख । एमाले अध्यक्ष झलनाथ खनालले आगामी संविधानसभाको चुनावमा लोकतान्त्रिक शक्तिबीच गठबन्धन हुने सम्भावना रहेको बताएका छन् । रामकोट गाउँ पार्टी कमिटीले लोकतन्त्र दिवस तथा नव वर्षको उपलक्ष्यमा शनिबार आयोजना गरेको चियापान तथा शुभकामना आदान प्रदान कार्यक्रमलाई सम्बोधन गर्दै उनले संविधान निर्माणको ऐतिहासिक अभिभारालाई पुरा गर्न लोकतान्त्रिक शक्तिबीच एकता आवश्यक रहेकाले त्यसतर्फ गृहकार्य भइरहेको बताए ।
अध्यक्ष खनालले विगतमा एकीकृत नेकपा (माओवादी)को जडसुत्रवादी धार तथा उनीहरुका विभिन्न गतिविधिले संविधान निर्माणमा अवरोध पुर्‍याएको भन्दै मुलुकमा सदीयौदेखि मिलेर बसेका विभिन्न जातजातिको सद्भाव र एकतालाई कायम राखेर मात्र समग्र देशलाई आर्थिक रुपान्तरण गर्न सकिने उल्लेख गरे ।
मुलुकमा विभिन्न समयमा भएका राजनीतिक आन्दोलनबाट प्राप्त उपलब्धिलाई संस्थागत गर्नका लागि संविधान निर्माणको कार्यलाई पूरा गर्न जरुरी रहेको र त्यसका लागि संविधानसभाको निर्वाचनको विकल्प नरहेको उनले बताए । अध्यक्ष खनालले पार्टीअन्तर्गत विभिन्न तह तप्कामा रही जिम्मेवारी लिएका विभिन्न नेता तथा कार्यकर्तालाई एकढिक्का भई आगामी निर्वाचनमा सहभागी हुन निर्देशन दिँदै त्यसको सहजताका लागि पार्टीले आवश्यक समन्वय गर्ने प्रतिबद्धता व्यक्त गरे ।
कार्यक्रममा पार्टी सचिव युवराज ज्ञवाली तथा नेताहरु कृष्णगोपाल श्रेष्ठ, रामेश्वर फूयाल, बामपन्थी नेता राधाकृष्ण मैनालीलगायतको सहभागिता रहेको थियो ।

प्रतिक्रिया
सम्बन्धित खवर

काठमाडौं । भरतपुर महानगरपालिका प्रमुखमा नेकपा माओवादी केन्द्रकी मेयर उम्मेदवार रेनु दाहालले फराकिलो अग्रता लिएकी छन् । पछिल्लो सार्वजनिक मतपरिणमअनुसार गठबन्धनकी

काठमाडौँ । काठमाडौँ महानगरपालिकाको प्रमुख पदमा स्वतन्त्रतर्फबाट उम्मेदवारी दिएका बालेन्द्र शाहले फराकिलो अग्रतालाई कायमै राखेका छन् । मुख्य निर्वाचन अधिकृत कार्यालय

यातायात व्यवस्था विभागले जेठ ४ गतेबाट लागू हुने गरी सार्वजनिक यातायातको भाडा वृद्धि गरेको छ। विभागले मङ्गलबार सूचना जारी गर्दै

काठमाडौं ।स्थानीय तह निर्वाचनको मतगणनाको नजिता आउने क्रम चलिरहेको छ। अहिलेसम्म देशभरका चार सय ४ स्थानीय तहको अन्तिम नतिजा सार्वजनिक