अमेरिकी समाचार एजेन्सी एपीको ट्विटर अकाउन्ट ह्याक; ह्याकरसंग सम्पर्क र सम्झौता, ट्विटर अकाउन्ट सस्पेन्ड

अमेरिका, ११ वैशाख । अमेरिकी समाचार एजेन्सी एपीको ह्याक गरिएको ट्विटर अकाउन्ट सस्पेन्डमा रहेको छ भने ह्याकरसंग एपीको सम्पर्क र सम्झौता भएको छ । अचानक अमेरिकी समाचार एजेन्सी एपीको ट्विटर अकाउन्ट @ap मार्फत  ब्रेकिङ न्युज भन्दै ह्वाइट हाउसमा दुई विस्फोट भएको र राष्ट्रपति ओबामा घाइते भएको समाचार ट्विट गरेपछि दुनियाभार समाचारले सनसनी मच्चायो तर केही समयमै एपीका प्रवक्ताले एपीको ट्विटर अकाउन्ट ह्याक भएको जानकारी दिदै ह्याकरद्वारा प्रेषित समाचार गलत भएको जानकारी दिए ।  अमेरिकी समाचार एजेन्सी एपीका संचार कर्मिहरुले पनि एपीको मुख्य अकाउन्ट ह्याक भएको र विस्फोटको जानकारी गलत रहेको बताउँदै ट्विट गरेका थिए ।