‘संविधान निर्माण सुनिश्चित गर्न कांग्रेससँग एमालेले तालमेल गर्ने’

९ बैशाख २०७०, सोमबार २१:१९ मा प्रकाशित

काठमाडौं, ९ वैशाख । नेपाली कांग्रेसका नेता दिपकुमार उपाध्यायले नेपाली जनता निर्वाचनको पक्षमा भएकोले नेकपा–माओवादीले चुनाव बहिस्कार गरे पनि केही फरक नपर्ने धारणा अघिसारेका छन् । माओवादीले प्रतिरोध गरे जनताले दबाब दिने उल्लेख गर्दै उनले कुनै पनि हालतमा निर्वाचन भएरै छोड्ने ठोकुवा गरे । राजधानीमा आयोजित साक्षात्कारमा मन्तव्य दिँदै उनले चुनावविरोधिहरुलाई सहमतिमा ल्याउन उच्चस्तरीय राजनीतिक समिति र मन्त्रीपरिषद विस्तारको लागि प्रमुख दलहरु तयार रहेको बताए ।
स्वतन्त्र निर्वाचनको लागि अघिल्लो सरकारले गरेको राजनीतिक पूर्वाग्रही निर्णय सच्याउनु पर्ने माग प्रस्तुत गर्दै उपाध्यायले आगामि निर्वाचनमा साझा पहिचानसहितको संघीयता र लोकतन्त्रका पक्षधर दलहरुसँग चुनावी तालमेल हुने स्पष्ट पारे ।
सोही कार्यक्रममा नेकपा एमालेका नेता रघुजी पन्तले निर्वाचन नै मुलुकको लागि निकासको एकमात्र विकल्प भएकोले यो प्रक्रिया भाँड्नेहरु राष्ट्रियता र लोकतन्त्रको पक्षधर नहुने दावी गर्दै निर्वाचन भाँड्ने गरी आएका उच्चस्तरीय राजनीतिक समितिको खारेजी, गोलमेच सम्मेलन र वर्तमान सरकारको वर्खास्तगीको माग पुरा गर्नै नसक्ने स्पष्ट पारे ।
उनले भने– ‘उच्चस्तरीय राजनीतिक समितिमा प्रतिनिधित्व गराउन सकिन्छ तर खारेजी हुन सक्दैन । गोलमेच सम्मेलन आउटडेटेड भईसक्यो, मुलुक त्यतातिर जान सक्दैन । मतदाता नामावली संकलन भाँड्ने काम सहिँदैन । एमालेले त्यस विरुद्ध कार्यकर्ता परिचालन गर्छ ।’
नेकपा एमाले जातीय संघीयता र प्रत्यक्ष निर्वाचित राष्ट्रपतिय शासन प्रणालीको विपक्षमा रहेकोले त्यसमा धारणा मिल्ने नेपाली कांग्रेससहितका दलहरुसँग लोकतान्त्रिक शक्तिहरुको दुई तिहाई बहुमत ल्याउने गरी चुनावी तालमेल हुने स्पष्ट पार्दै पन्तले भने– ‘एमालेको बहुमत र लोकतान्त्रिक शक्तिको दुई तिहाई बहुमत ल्याउने गरी तालमेल हुन्छ । लोकतान्त्रिक शक्तिको दुई तिहाई बहुमत नआए फेरि पनि संविधान बन्दैन ।’

प्रतिक्रिया
सम्बन्धित खवर

काठमाडौं । राष्ट्रपति विद्यादेवी भण्डारीले संसद अधिवेशन आव्हान गरेकी छन् । सोमबार बसेको मन्त्रिपरिषद बैठकको सिफारिस गरेअनुसार राष्ट्रपति भण्डारीले फागुन

विसं २०७८ मा तीन दशैँ परेको छ । यो वर्ष चैत्र शुक्ल पक्षमा पर्ने दुई वटा चैते दशैँ परेको छ

डोटी । जिल्लामा एघार प्रतिशत किशोरी उमेर नपुग्दै गर्भवती हुने गरेको पाइएको छ । जिल्ला स्वास्थ्य कार्यालयको तत्थ्याङ्कअनुसार जिल्लाभरका स्वास्थ्य

काठमाडौं । नेकपा प्रचण्ड–माधव समूहले प्रमुख सचेतकबाट देव गुरुङलाई हटाएकोमा आपत्ति जनाएको छ । सोमबार बिहान बसेको सचिवालय बैठकले प्रधानमन्त्री