हुनेवाला दुलहा वेपत्ता भएपछि…

५ बैशाख २०७०, बिहीबार २२:३९ मा प्रकाशित

काठमाडौं, ५ वैशाख । राजमार्ग बन्दका लागि बदनाम रहँदै आएको चितवनमा बन्दका सन्दर्भमा बिहिबार अर्को एक नयाँ रेकर्ड बस्यो । विवाहको टीकाटालो गरेर केटा बिबाहमा उपस्थित नभइदिएपछि केटी पक्षले आफ्नो बेइज्जती भएको भन्दै केटाको खोजी गर्यो । तर जब निकै सोधखोज गर्दा पनि दुलहा फेला परेन तब रन्थनिएको केटी पक्षले उपाय सोच्यो सडक बन्द गराउने । यसरी पूर्वी चितवनको रत्ननगर–८ पर्सौनीस्थित केटी पक्ष र स्थानीयवासीले केटा झिकाउनुपर्ने माग गर्दै आज पूर्वपश्चिम राजमार्गअन्र्तगत रत्ननगरको बकुल्लहरमा दुई घन्टा सडक अवरुद्ध गरे । अपराह्न १ बजेदेखि बन्द रहेको राजमार्ग प्रहरीले बल प्रयोग गरी २ : ३० बजे मात्र खुलाएको थियो । सो क्रममा बन्दकर्ता र प्रहरीबीच झडप पनि भएको बुझिएको छ ।
रत्ननगर–३ वेल्सी निवासी सुजन खनालले रत्ननगर–८ पर्सौनी बस्ने निशा ढकालसँग विवाहका लागि गत फागुन ३० गते टीकाटालो गरेका थिए । यही वैशाख ११ गते विवाह गर्ने दिन तोकिए पनि केटा बिनाकारण सम्पर्क बाहिर रहेपछि आक्रोशित केटी पक्षले सडक अवरुद्ध गरेका हुन् । केटालाई झिकाउनुपर्ने माग गर्दै केटी पक्षले नाराबाजी गर्दै इलाका प्रहरी कार्यालयसमेत घेराउ गरेका थिए । टीकाटालो गरेको दुई दिनपछि स्वयम् केटाले केटीलाई फोन गरेर “त्यो केटा अरु नै केटी लिएर भाग्यो, अब तिमी आफ्नो सुर गर” भनेर फोनसमेत गरेको केटीका काका रामबाबुले बताएको राससले जनाएको छ ।

प्रतिक्रिया
सम्बन्धित खवर

काठमाडौं । नेपाल कम्युनिस्ट पार्टी (नेकपा) का उपाध्यक्ष वामदेव गौतम आज बस्ने भनिएको ओली समूहको संसदीय दलको बैठकमा नजाने भएका

काठमाडौं । वर्तमान राजनीतिको किंग मेकर मानिएको नेपाली कांग्रेसले अझै प्रष्ट धारणा सार्वजनिक गरेको छैन । हिजो संसदीय दलको बैठकपछि

हङकङ । चीनको उच्च कानून निर्माता निकाय नेशनल पिपुल्स कांग्रेस एनपीसीले हङकङमा राष्ट्रवादीले मात्रै शासन गर्न पाउने योजना सार्वजनिक गरेको

धनगढी उपमहानगरपालिकाका प्रमुख नृपबहादुर वडले नेपाल प्रेस युनियन डोटी शाखाले स्थापना गरेको ‘तेजु स्मृति अक्षय कोष’ स्थापनाका लागि आर्थिक सहयोग