नेजा र एसपीजेका पदाधिकारी बीच छलफल

३ बैशाख २०७०, मंगलवार ०२:१९ मा प्रकाशित

बाल्टिमोर, अमेरिका । नेपाल अमेरिका पत्रकार संघ(नेजा) र अमेरिकी पेशागत पत्रकारहरुको संगठन सोसाइटी अफ प्रोफेसनल जर्नालिस्ट्स (एसपीजे) का बीच सहकार्य र आवद्धता बारे पहिलो चरणको औपचारिक छलफल भएको छ । विगत केही समय यतादेखि दुवै संस्थाबीच आपसी सम्बन्ध विस्तार बारे निरन्तर सम्पर्क भईरहेको थियो ।
आईतवार बाल्टिमोरमा आयोजित छलफल कार्यक्रममा दुवै संस्थाका पदाधिकारीहरुबीच एकापसमा औपचारिक सम्बन्ध स्थापना गर्दै सहकार्य गरेर अघि बढ्न गर्नुपर्ने प्रक्रियागत विषयमा छलफल भएको हो । यसका लागि एसपीजेले नेजालाई आफ्नो संस्थाको च्याप्टरको रुपमा मान्यता प्रदान गर्नेछ ।
नेजाका वरिष्ठ उपाध्यक्ष एवं यस ग्लोब नेपाल डट कमका संचालक गौतम दाहालको नेतृत्वमा उपाध्यक्षहरु पुरुषोत्तम ढकाल र विश्व थापा र कार्यकारी सदस्य रमा महर्जन छलफलमा यस संस्थाको तर्फबाट सहभागी हुनुहुन्थ्यो । यसैगरी नेजाका सक्रिय सदस्य सतिश चापागाईं पनि छलफलमा सहभागी हुनुहुन्थ्यो । एसपीजेका तर्फबाट संस्थाकी च्याप्टर कोअर्डिनेटर तारा पुकेले प्रतिनिधित्व गर्नुभएको थियो । अमेरिका र क्यानडामा रहेका आप्रवासी नेपाली पत्रकारहरुको एकमात्र छाता संगठन नेजासँग सम्बन्ध विस्तार र आपसी समन्वय स्थापनाका लागि भएको यो पहिलो औपचारिक छलफलमा भाग लिन एसपीजेकी प्रतिनिधि यसको मूख्यालय रहेको इण्डियानापोलिस राज्यबाट बाल्टिमोर आईपुगेकी थिइन् ।
एसपीजेको च्याप्टरको मान्यता प्राप्तीका लागि नेजाले कम्तीमा पनि बीस जना सदस्यलाई एसपीजेको सदस्यताका लागि सिफारिश गर्नुपर्नेछ । तत्पश्चात् अन्य प्रक्रिया पुरा गरेपछि नेजाले च्याप्टरको रुपमा आवद्धता प्राप्त गर्नेछ । हाल विभिन्न मिडियामा कार्यरत् सन् १९०९ मा स्थापित अमेरिकी पत्रकारहरुको संगठन एसपीजेमा अमेरिकाभर ६० वटा च्याप्टरहरु रहेको र कलेज एवं विश्वविद्यालयमा पत्रकारिता अध्ययन गर्दै गरेका विद्यार्थीहरुको दुई सयवटा च्याप्टर रहेको संस्थाकी च्याप्टर कोअर्डिनेटर तारा पुकेले छलफलमा जानकारी गराएकी थिइन् । आफ्ना च्याप्टरहरुलाई एसपीजेले वार्षिक कार्यक्रम गर्न,वर्कसप,अन्तरक्रिया र विभिन्न मिडियामा कार्यरत् पत्रकारहरुको क्षमता अभिवृद्धि गर्न तालिम,फेलोशिप लगायतका कार्यहरुमा सहयोग गर्दछ । नेजा आवद्ध भएपछि नेजाले पनि एसपीजेबाट यी सबै सुविधाहरु प्राप्त गर्नेछ भने अमेरिकाका विभिन्न मिडियाहरुमा कार्यरत् पत्रकारहरुले नेजाका सदस्य पत्रकारहरुलाई अमेरिकी पत्रकारिताको विभिन्न पक्षबारे जानकारी समेत प्रदान गर्नेछन् ।
यस सम्बन्धी विस्तृत छलफलका लागि यही मे ३ र ४ तारिख बाल्टिमोरमा हुन लागेको नेजाको वार्षिक सम्मेलनमा एसपीजेका पदाधिकारीहरुसँग दोश्रो चरणको बैठक गर्न दुवै संस्थाका प्रतिनिधिहरु सहमत भएका छन् ।
पहिलो चरणको छलफलमा नेजाका वरिष्ठ उपाध्यक्ष गौतम दाहालले संस्था स्थापनादेखि हालसम्म नेजाले गर्दै आईरहेका कार्यहरुबारे प्रकाश पार्नुभएको थियो ।

प्रतिक्रिया
सम्बन्धित खवर

अमेरिका। अमेरिकाको मेरिल्याण्डमा अवस्थित मोर्गन स्टेट युनिभर्सिटीमा कार्यरत एक नेपाली मूलका प्राध्यापकले सो विश्वविद्यालयले प्रदान गर्ने रिसर्च एण्ड स्कलरसिप अवार्ड

न्युयोर्क। पत्रकारितामार्फत मानवताका क्षेत्रमा असाधारण सेवा गरेवापत न्युयोर्क निवासी पत्रकार किशोर पन्थीलाई अमेरिकाको विश्वविद्यालयले मानार्थ पीएचडी अर्थात् डाक्टर अफ फिलोसोफीबाट

काठमाडौं । न्यूयोर्क राज्य संसदको चुनावमा पहिलो पटक नेपाली मूलकी एक युवती सांसद बन्ने सम्भावना बढेको छ । नेपाली मुलकी

काठमाडौं ।अमेरिकाको कनेक्टिकट राज्यमा बसोबास गर्दै आएका नेपाली मूलका राम चन्द्र श्रेष्ठ नगर समिती सदस्यमा निर्वाचित भएका छन् । गत