अवैध हतियार संकलन अभियान

३ बैशाख २०७०, मंगलवार ०२:१७ मा प्रकाशित

देवचन्द्र भट्ट, नुवाकोट, २ वैशाख । नेपाल प्रहरीले शान्ति सुरक्षालाई मध्यनजर गर्दै नुवाकोटमा अवैध हतियार संकलन अभियानलाई तीव्रता पारेको छ । दुई महिने अभियानको अन्तिम चरणमा सोमबार सम्म एकसय थान भन्दा बढी अवैध हतियार प्रहरीले संकलन गरेको छ ।
प्रहरी नुवाकोटको किम्ताङ, झिल्टुङ, सामरी, देउरालीलगायतका गाविसबाट एकसय एक थान भरुवा बन्दुक, १५ थान ब्यारल र १५ थान अवैध हतियारका पार्टपूर्जा बरामद गरी स्टोर गरेर राखेको जिल्ला प्रहरी कार्यालय नुवाकोटका प्रहरी नायब निरीक्षक लक्ष्मण गौतमले जानकारी दिनुभयो । यसैबीच, सोमबारै एक महिना अघि सरुवा भई नुवाकोट आएका जिल्ला प्रहरी कार्यालय नुवाकोटका प्रमुख तथा प्रहरी नायब उपरीक्षक बेलबहादुर पाण्डे सरुवा हुनु भएको छ ।
पाण्डे मिसनमा जानु भएको हो भने पाण्डेको स्थानमा प्रहरी तालिम केन्द्रबाट सानुकाजी लामिछाने सरुवा भई सोमबारदेखि नै जिल्ला प्रहरी प्रमुखको कार्यभार सम्हाल्नु भएको छ ।

प्रतिक्रिया
सम्बन्धित खवर

दाङ। कोरोना संक्रमण दर बढ्दै जाँदा नागरिक स्तरबाट भने स्वास्थ्य सुरक्षा मापदण्ड पालनामा गम्भीर लापर्वाही देखिएको छ । स्वास्थ्य क्षेत्रका जानकारहरूले कोरोना संक्रमणबाट

धनकुटा।गत १६ पुसदेखि हराइरहेकी धनकुटा नगरपालिका-४ छारागाँउकी ५२ वर्षीया सीता श्रेष्ठकाे हत्या गरी पुरेको अवस्थामा घरभित्रै शव फेला परेको छ । घरको भुइँतलामा

बागलुुङ। बागलुङको पश्चिम निसीखोला गाउँपालिकामा सडक पहुँच नपुग्दा दुर्गम र विकट क्षेत्रमा गनिन्थ्यो । अहिले मध्यपहाडी लोकमार्गको सडक सञ्जाल विस्तार भएपछि

भक्तपुर । भक्तपुरका औषधि पसल एवं फार्मेसीमा सिटामोल अभाव भएको छ । घरघरमा ज्वरो तथा रुघाखोकीका बिरामी थपिँदै गएपछि सिटामोलको