अख्तियारद्वारा कारबाहीको नाममा उन्मुक्ति दिइएको आरोप

२ बैशाख २०७०, सोमबार १९:०२ मा प्रकाशित

काठमाडौ, २ वैशाख । आव ०६८। ६९ मा संचालित सडक निर्माण, सडक मर्मत तथा अन्य पूर्वाधार निर्माणसम्बन्धी योजनाहरुमा निकासा भएको रकम जिल्ला विकास समितिको कार्यालय धनुषाका कर्मचारीको मिलेमतोमा हिनामिना एवम् अनियमितता गरी भ्रष्टाचार गरेको भनी परेको उजूरीका आधारमा अख्तियारद्वारा छानबिन अघिबढाएका धनुषा जिविसका २७ कर्मचारीलाई अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको छ । धनुषा जिविसको २५ वटा आयोजनामा भ्रष्टाचार गरी रकम हिनामिना गरेको आरोपमा उनीहरुलाई कानुनअनुसारको कैद तथा बिगो जरिवानाको मागसहित मुद्दा दर्ता गरेको अख्तियारले जनाएको छ । उनीहरुमाथि एक करोड १३ लाख ९८ हजार तीनसय ४३ रुपैयाँ सरकारी रकम हिनामिना गरेको अख्तियारको ठहर छ । 
अख्तियारले तत्कालिन स्थानीय विकास अधिकारी लक्ष्मीनारायण महतोसहित जिविसका इन्जिनियर विनोदकुमार ठाकुर, देवेन्द्र अधिकारी, ज्ञानेन्द्रकुमार देव, विन्देश्वर वनरइत, लेखापाल जीवनाथ चौधरी, जिल्ला विकास समितिको कार्यालय धनुषाका लेखा अधिकृत मदनमोहन लाल कर्ण, समेत १६ जना कर्मचारीहरुसहित आयोजनाका पदाधिकारीविरुद्ध बिशेष अदालतमा मुद्दा दायर गरेको हो ।
धनुषा जिविसद्वारा आव ०६८। ६९ मा संचालित सडक निर्माण, सडक मर्मत तथा अन्य पूर्वाधार निर्माणसम्बन्धी योजनाहरुमा निकासा भएको रकम जिल्ला विकास समितिको कार्यालय धनुषाका कर्मचारीको मिलेमतोमा हिनामिना एवम् अनियमितता गरी भ्रष्टाचार गरेको भनी परेको उजूरीका आधारमा अख्तियारद्वारा छानबिन अघिबढाएको थियो ।
यसैबीच धनुषा जिविसमा भएको भ्रष्टाचारका विषयमा अभियुक्तहरुलाई कारबाही गर्न माग गर्दै आन्दोलनरत अभियन्ताहरुले अख्तियारले दोषीहरुलाई नाम मात्रको कारवाही गरेको भन्दै आपत्ति जनाएको छ । ३ अर्बभन्दा बढीको भ्रष्टाचारलाई अनदेखा गरी अभियुक्तहरुलाई सजिलै उन्मुक्ति दिने उद्देश्यले अत्यन्त कम भ्रष्टाचार भएको देखाइएको उनीहरुको दाबी छ ।

प्रतिक्रिया
सम्बन्धित खवर

काठमाडौं। राष्ट्रियसभाको निर्वाचन सकिएसँगै सत्ता गठबन्धनको भविष्य के हुन्छ भन्ने प्रश्न उब्जिएको छ। सत्ताघटकका अन्य दलले गठबन्धनलाई आगामी संघीय र

काठमाडौं।एमालेमा गएका पूर्वमाओवादी नेताहरू अहिले पछुताउन थालेका छन् । एमाले नेतृत्व व्यक्तिवादी भएको र आफ्ना गुनासोको सुनुवाई नगरेको भन्दै केहि

काठमाडौं । त्रिभुवन विमानस्थल अध्यागमनका कर्मचारीले कार्यालय समयमा मोबाइल चलाउन नपाउने भएका छन् । त्रिभुवन विमानस्थल अध्यागमन कार्यालयले शुक्रबार एक

काठमाडौँ । राष्ट्रिय फुटबल टोलीका कप्तान किरणकुमार लिम्बूले मौरिससविरुद्धको खेलमा नयाँ अनुभव बटुल्ने बताएका छन् । मौरिससविरुद्धको पहिलो मैत्रीपूर्ण खेलअघि