मोगादिशुको अदालतमा आतङ्ककारी हमला, २० को मृत्यु

२ बैशाख २०७०, सोमबार ०७:४८ मा प्रकाशित

एजेन्सी । अफ्रिकी मुलुक सोमालियाको राजधानी मोगादिशुस्थित एक अदालतमा भएको बम हमलामा २० भन्दा बढी मानिसको ज्यान गएको छ । हमलाकारीहरुले बम विष्फोटका साथै बन्दुक समेत प्रहार गरी मानिसहरुको ज्यान लिएको एजेन्सीहरुले जनाएका छन् । बन्दुकधारीहरु शहरको एक मुख्य कोर्टमा घुसेर जथाभावी फायरिङ सुरु गरेका थिए । सो क्रममा १६ व्यक्तिको मृत्यु भएको थियो भने त्यसपछि हमलाकारीले भवनमा बम विष्फोट गराएको बताइन्छ । विष्फोटका क्रममा थप चार व्यक्तिको ज्यान गएको समाचारमा उल्लेख गरिएको छ । इस्लामी उग्रवादी संगठन अल–शबावले उक्त आक्रमण गराएको अनुमान गरिएको छ ।
अल–शबावको सम्बन्ध अल–कायदासँग रहेको विश्वास गरिँदै आएको छ । पछिल्ला दुई वर्षमा मोगादिशुमा अल–शबावले कैयन पटक यस्ता आतङ्ककारी हमला गरिसकेको छ । विगत दुई दशकदेखि सोमालियामा युद्ध सरदार, राजनेता र इस्लामी उग्रवादीहरुबीच आ–आफ्ना वर्चश्वको लडाइँ चल्दै आएको छ र यस हिंसाको चपेटामा परेर कैयनको ज्यान गइसकेको बताइन्छ ।

प्रतिक्रिया
सम्बन्धित खवर

काठमाडौं। राष्ट्रियसभाको निर्वाचन सकिएसँगै सत्ता गठबन्धनको भविष्य के हुन्छ भन्ने प्रश्न उब्जिएको छ। सत्ताघटकका अन्य दलले गठबन्धनलाई आगामी संघीय र

काठमाडौं।एमालेमा गएका पूर्वमाओवादी नेताहरू अहिले पछुताउन थालेका छन् । एमाले नेतृत्व व्यक्तिवादी भएको र आफ्ना गुनासोको सुनुवाई नगरेको भन्दै केहि

काठमाडौं । त्रिभुवन विमानस्थल अध्यागमनका कर्मचारीले कार्यालय समयमा मोबाइल चलाउन नपाउने भएका छन् । त्रिभुवन विमानस्थल अध्यागमन कार्यालयले शुक्रबार एक

काठमाडौँ । राष्ट्रिय फुटबल टोलीका कप्तान किरणकुमार लिम्बूले मौरिससविरुद्धको खेलमा नयाँ अनुभव बटुल्ने बताएका छन् । मौरिससविरुद्धको पहिलो मैत्रीपूर्ण खेलअघि