निर्दलीयताको कुनै सम्भावना छैन : डा. भट्टराई

१ बैशाख २०७०, आईतवार २०:४६ मा प्रकाशित

रासस, काभ्रे, १ वैशाख । माओवादीका उपाध्यक्ष बाबुराम भट्टराईले चार दलको संयन्त्रमा नेकपा-माओवादीका अध्यक्ष मोहन बैद्यलाई समेट्ने बारेमा छलफल भइरहेको बताएका छन् । आइतवार बनेपामा आयोजित कृषि बजार उद्घाटन गर्न आएको बेला क्रान्तिकारी पत्रकार संघले राखेको पत्रकार सम्मेलनमा भट्टराईले मधेशी जनअधिकार फोरमका अध्यक्ष उपेन्द्र यादव पनि चुनावमा सहभागी हुने ठोकुवा गरे । उनले वर्तमान सरकारले छिट्टै निर्वाचनको मिति घोषणा गर्नुपर्ने उल्लेख गर्दै भने, ‘असारमै निर्वाचन गर्न गरेर मुलुकलाई निकास दिन सक्दा राम्रो हुन्थ्यो तर व्यवहारिक रुपमा त्यो कठिन देखिएकाले कात्तिकको अन्तिम साता चुनाव गर्नुपर्छ ।’
सोही कार्यक्रममा भट्टराईले मुलुकमा निर्दलीयताको कुनै सम्भावना नरहेको बताएका छन् । उनले दलहरूको सहमतिमा बनेको वर्तमान सरकारले नै निर्वाचनको मिति छिट्टै घोषणा गर्ने बताए । दलहरूको सहमतिमा नै बाधा अड्काउ फुकाउ गरेर असार ७ मा नै निर्वाचन गर्ने दलहरूबीच सहमति भएको उल्लेख गर्दै  डा. भट्टराईले विभिन्न बहानामा निर्वाचन टार्ने स्थिति आए त्यसले अस्थिरता र खतरा उत्पन्न हुने धारणा राखे ।

प्रतिक्रिया
सम्बन्धित खवर

काठमाडौं । भरतपुर महानगरपालिका प्रमुखमा नेकपा माओवादी केन्द्रकी मेयर उम्मेदवार रेनु दाहालले फराकिलो अग्रता लिएकी छन् । पछिल्लो सार्वजनिक मतपरिणमअनुसार गठबन्धनकी

काठमाडौँ । काठमाडौँ महानगरपालिकाको प्रमुख पदमा स्वतन्त्रतर्फबाट उम्मेदवारी दिएका बालेन्द्र शाहले फराकिलो अग्रतालाई कायमै राखेका छन् । मुख्य निर्वाचन अधिकृत कार्यालय

यातायात व्यवस्था विभागले जेठ ४ गतेबाट लागू हुने गरी सार्वजनिक यातायातको भाडा वृद्धि गरेको छ। विभागले मङ्गलबार सूचना जारी गर्दै

काठमाडौं ।स्थानीय तह निर्वाचनको मतगणनाको नजिता आउने क्रम चलिरहेको छ। अहिलेसम्म देशभरका चार सय ४ स्थानीय तहको अन्तिम नतिजा सार्वजनिक