सात महिनामा ५२ करोड रेमिट्यान्स भित्रियो

सिन्धुली, २१ चैत । सिन्धुलीमा चालु आर्थिक वर्षको सात महिनामा ५२ करोड रेमिट्यान्स भित्रीएको रेमिटसम्बन्धी कारोवार गर्ने संस्थाले जनाएका छन् । चालु आर्थिक वर्षको साउनदेखि माघ मसान्त सम्ममा सो रेमिट्यान्स रकम भित्रिएको मातृभूमी विकास बैँकले जनाएको छ । जिल्लामा उचित रोजिगारि नपाएर वैदेशिक रोजगारका लागि विभिन्न देशमा गएका युवा युवतीवाट रेमिट्यान्स रकम भित्रीँदै गएको वैँकका प्रवन्धक विनोद थापा वताउनुहुन्छ । वहाँका अनुसार विदेश पलायन हुनेको संख्यामा वृद्धि भएसंगै रकम भित्रने क्रम पनि वढ्दै गएको हो । गएको माघ महिनामा मात्रै सात करोड भन्दा वढि रेमिटान्स भित्रीएको शिद्धवावा मनि एक्सप्रेसले जनाएको छ । यसरी भित्रीएको रकम विशेषगरि कृषि, घरजग्गा र व्यवसायमा लगानी हुँदै आएको छ ।