विधिवत रुपमा झा छिरे एमाओवादीमा, भुसाल र थुलुंग एमालेमा

२४ चैत्र २०६९, शनिबार १८:२४ मा प्रकाशित

काठमाडौं, २४ चैत । भारतमा जन्मिएर त्यहाँको नागरिकता नत्यागीकन नेपाली नागरिकता लिएको आरोप झेल्दै आएका एमाले पोलिटब्युरो सदस्य रामचन्द्र झा विधिवत रुपमा एमाओवादीमा प्रवेश गरेका छन् । एमालेले जिम्मेवारीविहीन बनाएको र संघीयताको मुद्दामा ढुलमुले नीति अख्तियार गरेको भन्दै केही समयअघि उनले एमाले त्यागेका थिए ।
भला लगायतकालाई पार्टी प्रवेश गराउनका लागि एमाओवादीले पेरिसडाँडामा शनिबार दिउँसो कार्यक्रम आयोजना गरेको थियो । झासंगै पूर्वसांसद लक्की शेर्पा र युवा संघका हरेन्द्र राय यादवसहितका व्यक्तिहरु एमाओवादीमा प्रवेश गरेका छन् । उनीहरुलाई एमाओवादी अध्यक्ष पुष्पकमल दाहाल, उपाध्यक्षहरु बाबुराम भट्टराई तथा नारायणकाजी श्रेष्ठले अविर र माला लगाएर पार्टीमा स्वागत गरेका थिए ।
यसैगरी शनिबार नै एमाले मुख्यालय बल्खुमा आयोजित एक कार्यक्रमबीच रेडियो नेपालको कृषि कार्यक्रममा ‘बुढी आमै’ले चिनिएकी कलाकार लक्ष्मी भूसाल र गायक तथा संगीतकार सूर्य थुलुंग एमाले प्रवेश गरेकी छन् । एमाले अधयक्ष झलनाथ खनालले भुसाल र संगीतकार सूर्य थुलुङलाई टीका लगाएर एमाले प्रवेश गराए ।

प्रतिक्रिया
सम्बन्धित खवर

काठमाडौं । आठ वर्षअघि सुन्दरी प्रतियोगिताकी एक प्रतिस्पर्धीले आफूमाथि आयोजकले बलात्कार र यौन शोषण गरेको घटना सार्वजनिक गरेसँगै काठमाडौंको माइतीघरमा

हेटौंडा । स्थानीय तह निर्वाचन २०७९ अन्तर्गत हेटौंडा उपमहानगरपालिकाको अन्तिम मत परिणाम सार्वजनिक भएको छ । उपमहानगरपालिकाको मेयर पदमा नेकपा

काठमाडौं । प्रदेश सांसदबाट राजीनामा दिएर तीन जना नेता स्थानीय तह निर्वाचनमा लडे । करोडौं बजेट परिचालन गर्न पाइने र

कैलाली । कैलालीको लम्कीचुहा नगरपालिकाको मेयर र उपमेयरमा सुशीला शाही र जुना चौधरी निर्वाचित भएका छन् । नेपाली कांग्रेसबाट शाही