पार्टीमा अभिजात वर्गको जन्म भएको वैद्य र थापाको आरोप

२१ चैत्र २०६८, मंगलवार १५:४५ मा प्रकाशित

काठमाडौ, २१ चैत । माओवादी वरिष्ठ उपाध्यक्ष मोहन वैद्य र महासचिव रामबहादुर थापाले संस्थापन पक्षलाई संशोधन र अवसरवादीको आरोप लगाउँदै आफूहरूविरुद्ध मुख्य नेतृत्व खनिएको आरोप लगाउनुभएको छ । उहाँहरूले आज संयुक्त रुपमा जारी गर्नुभएको विज्ञप्तिमा पार्टीभित्र बिस्तारै अभिजात वर्गको जन्म भएको उल्लेख छ । यसैगरी कम्युनिष्ट पार्टीलाई फुटाउने काम संशोधनवादी र अवसरवादीहरूबाट भएको र यस्तो काम क्रान्तिकारी कम्युनिष्टहरूबाट हुनै नसक्ने वैद्य र थापाले उल्लेख गर्नुभएको छ । विज्ञप्तीमा शान्ति, सेना समायोजन तथा संविधान निर्माणबारे प्रतिक्रियावादीहरूबाट हुँदै आएको गम्भीर षड्यन्त्रप्रति अलिकति पनि ध्यान नदिइएको पनि उल्लेख छ । जारी शान्ति र संविधान निर्माण प्रक्रियाका विषयमा भइरहेको षड्यन्त्रप्रति सतर्क गराउन खोज्दा पनि कुनै वास्ता नगरेको र उल्टै शान्ति तथा संविधान विरोधीको आरोप लगाउने काम भएको उहाँहरूको आरोप । प्रधानमन्त्रीले राजीनामा गरी राष्ट्रिय सहमतिको सरकार गठन बारे पार्टीमा निर्णय भए पनि कुनै त्यसप्रति नेतृत्वले चासो नदिएको पनि विज्ञप्ति भनिएको छ ।

प्रतिक्रिया
सम्बन्धित खवर

रामेछाप । रामेछापको सुनापातीमा यात्रु बाहक बस लुभुखोलामा दुर्घटनामा परेको छ ।  दुर्घटनामा  कम्तिमा ९ जनाको मृत्यु भएको प्रहरीले जनाएको छ । उद्धारकार्य जारी रहेकाले

काठमाडौं।उपत्यकाको सुरक्षा केन्द्र सरकार मातहत राख्ने विषयमा दलहरू विभाजित भएका छन् । सिंहदरवारस्थित राज्य व्यवस्था तथा सुशासन समितिको सभाकक्षा सोमबार भएको

रोम।इटालीले झण्डै ७० वर्षयताकै सबैभन्दा खराब खडेरीको सामना गरिरहेको छ । खडेरीपछि सरकारले पो नदी वरपरका धेरै क्षेत्रमा आपतकालीन अवस्था

काठमाडौं । रुसी राष्ट्रपति भ्लादिमिर पुटिनले युक्रेनको लिसेचान्स्क सहर कब्जा गरेपछि आफ्ना रक्षामन्त्रीलाई युक्रेनमा आक्रमण जारी राख्न आदेश दिएका छन्।