ड्यास माओवादीले ३२ थान हतियार राखेको खुलासा

२१ चैत्र २०६९, बुधबार १७:२५ मा प्रकाशित

काठमाडौं, २१ चैत । नेताको सुरक्षाको लागि भन्दै नेकपा–माओवादीले ३२ नाल हतियार शिवीरबाहिर राखेको सेना समायोजन विशेष समितिका सदस्य भीम रावलले खुलासा गरेका छन् । त्यसरी राखिएका हतियार तत्काल फिर्ता गर्न विशेष समितिले माओवादी पार्टीलाई समयसीमा नै तोकेर आह्वान गरेको रावलले जानकारी दिए ।
बुधबार बसेको सेना समायोजन विशेष समितिको बैठकले बैशाख मसान्तसम्म ती हतियार नबुझाए गैरकानूनी रुपमा हतियार राखेको कानून अनुसार कारवाही गर्न सरकारलाई सिफारिस गर्ने निर्ण गरिएको रावलले सञ्चारकर्मीहरुसँग बताए ।
बैठकले समायोजनको प्रक्रियालाई अघि बढाउन नेपाली सेनाको महानिर्देशनलाई निर्देशन दिने निर्णय पनि गरेको छ । यस्तै बैठकमा तालिम गर्न नसक्ने लडाकुहरुलाई कसरी निकास दिने भन्ने विषयमा छलफल भए पनि पर्सी शुक्रबार बस्ने बैठकले त्यसमा ठोस निर्णय गर्ने रावलले जानकारी दिए । अहिले १४ सय ४२ लडाकुले तालिम लिइरहेकोमा केहीले तालिम गर्न नसकी छाड्ने चाहना ब्यक्त गरेको उनले बताए ।

प्रतिक्रिया
सम्बन्धित खवर

काठमाडौँ । सत्तारुढ नेकपा विवाद नटुंगिएसम्म कांग्रेसले भावी सरकारको बारेमा निर्णय नलिने भएको छ । पार्टी सभापति शेरबहादुर देउवाको निवास

काठमाडौं । विगत् १० महिनादेखि श्रीलंका कारागारमा रहेका २६ नेपाली महिला तत्काल छुट्ने सम्भावना नरहेको श्रीलंकास्थित नेपाली दूतावासले जनाएको छ

काठमाडौं । प्रतिनिधिसभा पुनःस्थापनापछि नेकपाका अध्यक्षद्वय पुष्पकमल दाहाल र माधवकुमार नेपालले भेटवार्तालाई तीव्र पारेका छन् । बिहीबार बामदेव गौतमसँगको भेटवार्तापछि

बुटवल । सेवाग्राहीसँग ५० हजार रुपैयाँ घुस लिएको आरोपमा रुपन्देहीको गैडहवामा कार्यरत सशस्त्र प्रहरीका प्रहरी निरीक्षक (इन्स्पेक्टर) सहित दुई जना