नेपालगन्जमा एमालेको मध्यपश्चिम क्षेत्रस्तरीय जनसभा

२१ चैत्र २०६८, मंगलवार ११:३२ मा प्रकाशित

बाँके, २१ चैत । बाँकेको नेपालगन्जमा आजदेखि नेकपा एमालेले मध्यपश्चिम क्षेत्रस्तरीय जनसभा गर्दैछ ।  जनसभाको सबै तयारी पूरा भएको एमाले बाँकेले जनाएको छ । शान्ति र संविधान निर्माणमा दबाब दिने उद्देश्यले आयोजना गरेको जनसभाका लागि पाँच सयभन्दा धेरै युवा स्वयम्सेवक परिचालन गरेको बताइएको छ । मध्यान्ह् १२ बजेबाट सुरु हुने जनसभाअघि नेपालगन्जका विभिन्न आधा दर्जन स्थानबाट जुलुस निकाल्ने तयारी एमालेले गरेको छ ।  जनसभाका लागि बाँकेका गाउँगाउँमा मात्रै करिब चार सय सवारी साधन परिचालन गरिएको एमाले भेरी अञ्चल समन्वय कमिटी सदस्य एवं जनसभा स्वयंसेवक परिचालन प्रमुख दामोदर अर्यालले जानकारी दिनुभयो । सभालाई  एमाले अध्यक्ष झलनाथ खनाल, वरिष्ठ नेता माधवकुमार नेपाल, केपी शर्मा ओली, उपाध्यक्ष वामदेव गौतम, महासचिव ईश्वर पोखरेल, सचिव शंकर पोखरेल लगायतका नेताहरुले सम्बोधन गर्ने कार्यक्रम तय गरिएको छ ।

प्रतिक्रिया
सम्बन्धित खवर

काठमाडौँ । देशभर आंशिकदेखि सामान्य बदली रही तीन प्रदेशमा भारी वर्षा हुने भएको छ । जल तथा मौसम विज्ञान विभागका

काठमाडौँ । काठमाडौँको बालाजुमा रहेको जुत्ता कारखानामा आगलागी भएको छ ।काठमाडौँ महानगरपालिका–१६ बालाजु बाइपास नजिकको एक घरमा केहीबेर अगाडि आगलागी

काठमाडौँ । राष्ट्रिय सूचना आयोगले सूचना नदिने ३३ कार्यालय प्रमुखलाई कारबाही गरेको छ । आयोगले सूचनाको हकसम्बन्धी ऐन, २०६५ को

नुवाकोट । शनिबार विहान भुकम्पको धक्का महसुस भएको छ । आज बिहान ५ बजेर २६ मिनेट जाँदा  भुकम्पको धक्का महसुस