चिनिया प्रतिनिधिमंडल राजनीतिक भेटघाटमा ब्यस्त

२१ चैत्र २०६८, मंगलवार ११:३० मा प्रकाशित

काठमाडौ, २१ चैत । नेपाल भ्रमणमा आएको चीनको नेसनल पिपल्स कङ्ग्रेस स्थायी समिति उपाध्यक्ष तथा अखिल चीन महिला महासङ्घका अध्यक्ष चेन जिलको नेतृत्वको टोलीले आज उच्चस्तरीय राजनीतिक भेटघाट सुरु गरेको छ । हिजो नेपाल आइपुगेको १६ सदस्यीय प्रतिनिधिमण्डलले आज प्रधानमन्त्री डाक्टर बाबुराम भट्टराई र संविधानसभाका अध्यक्ष सुवासचन्द्र नेम्वाङसँग भेटवार्ता गरेको छ । सभाध्यक्ष नेम्वाङसँग टोलीले विहान भेटवार्ता गरेको छ । भेटको क्रममा संविधान निर्माण प्रक्रिया र संविधानसभाको काम कारवाहीको विषयमा जिज्ञासा राखेको थियो ।  त्यसैगरी आपसी सहयोगको विषयमा पनि छलफल भएको थियो । टोलीले आजै  प्रधानमन्त्री डा बाबुराम भट्टराईसँग पनि भेटवार्ता गरेको छ । प्रधानमन्त्रीसँगको छलफलमा पनि शान्ति प्रक्रिया र संविधान निर्माणकै विषयमा छलफल केन्द्रित भएको थियो । टोलीले  आजै राजनीतिक दलका नेताहरुसँग पनि भेट गर्ने कार्यक्रम रहेको छ । महिला, बालबालिका तथा समाजकल्याणमन्त्री र व्यवस्थापिका–संसदका महिला सदस्यसँग पनि महिलाको अवस्थाका बारेमा छलफल गरी दुवै मुलुकका महिलाबीच रहेको आपसी सम्बन्धलाई अझ प्रगाढ बनाउने विषयमा समेत छलफल हुने कार्यक्रम छ ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार