सुडानले नेपाली सुरक्षाकर्मीको ढोका बन्द गर्ने

१९ चैत्र २०६९, सोमबार ०८:४३ मा प्रकाशित

काठमाडौं, १९ चैत । संयुक्त राष्ट्रसंघको आह्वानमा शान्ति स्थापनार्थ खटिने प्रहरी टोलीमा नेपालको क्रम आठौँ स्थानमा रहँदै आएकोमा संयुक्त राष्ट्रसंघीय शान्ति मिसनअन्तर्गत सुडानमा कार्यरत नेपाल प्रहरी र सशस्त्र प्रहरीको उपस्थिति अब ३० प्रतिशतले कमी हुने भएको छ । सुडान सरकारले राष्ट्रसंघको सुरक्षा महाशाखालाई आफ्नो मुलुकको शान्तिसुरक्षाको अवस्थामा सुधार आएको भन्दै चालू मिसनलाई ३० प्रतिशतले कटौती गर्न पत्र पठाएपछि यो अवस्था आएको हो । आन्तरिक सुरक्षामा सुधार आएको मात्र कारण नदेखाई अरबी भाषा जान्नेलाई प्राथमिकता प्रदान गर्न सुडानले आग्रह गरेकोले नेपालको सम्भावना घट्न पुगेको हो । 
यसरी राष्ट्रसंघ सुरक्षा महाशाखामा पत्र पठाएलगत्तैदेखि नेपाललगायत अन्य केही मुलुकका सुरक्षाकर्मीहरूलाई सुडान सरकारले भिसा दिनसमेत आनाकानी गर्न थालेको बुझिएको छ । हाल कार्यरत प्रहरीको पनि भीसा म्याद नथपिदिएको र नयाँलाई भीसा नै नदिने नीति अवलम्वन गरिएबाट सुडान मिसनमा नेपाल प्रहरीको उपस्थिति नै शून्य हुने अवस्था निम्तिन लागेको भन्दै सरोकारवालाहरुले चिन्ता व्यक्त गरेका छन् ।
नेपाल प्रहरी स्रोतका अनुसार गत भदौको पहिलो सातामै सुडान सरकारले सुंयक्त राष्ट्रसंघको आह्वानमा शान्ति स्थापनार्थ खटिएको नेपाल प्रहरी तथा सशस्त्र प्रहरीको टोलीलाई अस्वीकार गर्ने संकेत गरेको थियो । जुलाई तेस्रो साता नेपाल प्रहरीको यूएन शाखालाई पठाएको पत्रअनुसार विश्वका पाँच मुलुकका प्रहरीहरू अरबी भाषामा कमजोर भएको जनाउँदै नेपाल प्रहरी र सशस्त्र प्रहरीलाई पनि तत्काल भिसा दिन नसकिने जनाएको हो । त्यतिबेला सुडान सरकारले नेपाल, बंगलादेश, फिलिपिन्स, नाइजेरियालगायतका मुलुकका प्रहरीहरू अरबी भाषामा पोख्त नभएकाले यी मुलुकका प्रहरीलाई तत्काल भिसा दिन नसकिने जनाएको थियो । स्रोतका अनुसार नेपाल प्रहरी र सशस्त्र प्रहरीलाई सुडान सरकारले औपचारिक पत्र नै पठाएर अरबी भाषा जानेका सुरक्षाकर्मी पठाउन आग्रह पनि गरेको थियो ।
हाल सुडान मिसनमा नेपाल प्रहरीका तर्फबाट प्रहरी वरिष्ठ उपरीक्षक रमेश भट्टराईको नेतृत्वमा १ सय ९० जना कार्यरत छन् भने सशस्त्र प्रहरीमा एसएसपी षडानन्द चौधरीको कमान्डमा ६५ जना सुरक्षाकर्मी कार्यरत छन् ।

प्रतिक्रिया
सम्बन्धित खवर

काठमाडौं । अघिल्लो स्थानीय तह निर्वाचनमा नेकपा एमालेले धनकुटामा ‘क्लिन स्वीप’ गरेको थियो । तीन नगरपालिकासहित ७ पालिका रहेको धनकुटामा

काठमाडौं । स्थानीय तह निर्वाचनको मतगणना भइरहँदा हालसम्म तीन दलले एक सयभन्दा बढी पालिकाको प्रमुख तथा अध्यक्ष आफ्नो पोल्टामा पार्न

रुपन्देही । स्थानीय तह निर्वाचनको मत परिणाम धमाधम आइरहेको छ । यसै क्रममा लुम्बिनीका १०९ मध्ये ८१ स्थानीय तहको नतिजा

ललितपुर । ललितपुर महानगरपालिकमा हालसम्म नौ वटा वडाको मतगणना हुँदा पाँच वडाको वडाध्यक्षमा नेपाली कांग्रेसका उम्मेदवार विजयी भएका छन् ।