रेग्मी र उप्रेती ‘चारदलका सिखण्डी’ भएको थापाको आरोप

१८ चैत्र २०६९, आईतवार २१:५४ मा प्रकाशित

काठमाडौं, १८ चैत । प्रधानन्यायाधीश खिलराज रेग्मीको नेतृत्वमा सरकार गठन हुँदा निकै प्रसन्न देखिएका राप्रपा नेपालका अध्यक्ष कमल थापा रेग्मी सरकारले निर्वाचनको मितिसम्म पनि तोक्न नसकेपछि निराशाका अभिव्यक्ति दिन थालेका छन् । नयाँ सरकार गठन भएदेखि मुलुक निर्वाचनमा होमिएको भन्दै ठाउँठाउँमा चुनावकेन्द्रित आमसभा गर्न भ्याएका थापाले आइतबार हेटौँडामा आयोजित आमसभालाई सम्बोधन गर्ने क्रममा असारमा चुनाव हुने सम्भावना टरेको अभिव्यक्ति दिए । त्यति मात्र नभई उनले असारमा चुनाव नभए अब मंसिरमा पनि नहुने विश्लेषण आफूले गरेको बताए ।
चार राजनीतिक दलहरु वास्तविक रुपमा निर्वाचनको पक्षमा नरहेको आफूले महसुस गरेको बताउँदै अध्यक्ष थापाले चारदलका नेतृत्वहरु नै विस्तारै चुनावको बिरोधमा उत्रने भविष्यवाणी गरे । चुनाव नगराउनका लागि खिलराज रेग्मी र निलकण्ठ उप्रेतीलाई चारदलले सिखण्डीका रुपमा अघिसारेको आरोपसमेत थापाले लगाए ।
यसरी चुनाव नै नहुने परिस्थितिमा राप्रपा नेपालको भावी रणनीति के हुने भन्नेचाहिँ थापाले आमसभामा खुलाउन सकेनन् ।

प्रतिक्रिया
सम्बन्धित खवर

काठमाडौं । देशभरका ६ महानगरपालिकामा सत्तारुढ गठबन्धनले अधिकांशमा अग्रता बढाइरहेको छ । पछिल्लो मत परिणामअनुसार पाँच महानगरमा गठबन्धनको अग्रता छ भने

कैलाली । कैलालीको धनगढी उपमहानगरपालिकामा स्वतन्त्र उम्मेदवार गोपाल हमालले आफ्नो अग्रतालाई झन फराकिलो बनाउँदै लगेका छन् । २३ हजार २२३

झापा । झापामा एक नगरपालिकासहित चार स्थानीय तहको अन्तिम नतिजा सार्वजनिक भएको छ । बुधबार बिहानसम्म चार स्थानीय तहको अन्तिम मत परिणाम सार्वजनिक

काठमाडौं । भरतपुर महानगरपालिका प्रमुखमा नेकपा माओवादी केन्द्रकी मेयर उम्मेदवार रेनु दाहालले फराकिलो अग्रता लिएकी छन् । पछिल्लो सार्वजनिक मतपरिणमअनुसार गठबन्धनकी