वेचिएका दुई युवती घर फर्किए

देवचन्द्र भट्ट, नुवाकोट, १८ चैत । नुवाकोटको पुर्वि भेगमा रहेको घ्याङफेदी गाविस वडा नं. ५ की दुई युवती घर फर्किएका छन् । गत २०६५ सालमा श्रीमान्हरु गोसाईंकुण्ड गएको मौका छोपी गाउँकै दलालहरुले १४ महिनाको छोरा र चार वर्षकी छोरीसहित भारतको कोलकोत्तास्थित कोठीमा लगी ती दुई जनालाई विक्री गरेको थियो । कोसेली नेपालको सहयोगमा दलालहरुविरुद्ध मुद्धा दर्ता गरेपछि नुवाकोट ७ र नुवाकोट ८ (नाम परिवर्तन) का दुई युवतीहरु घर फर्कन सफल भएको महिला तथा बालबालिकाको अधिकारको क्षेत्रमा कार्यरत कोसेली नेपालकी अध्यक्ष अस्मिता थापाले जानकारी दिनुभयो । उनीहरुलाई दलालहरुले मानव बेचबिखन तथा ओसारपसार विरुद्धको मुद्धालाई कमजोर बनाउनका लागि ती युवतीहरुलाई घर फिर्ता गरेको हुनसक्ने आशंका गरिएको छ ।