शिक्षक संगठनको विस्तारित भेला

१७ चैत्र २०६९, शनिबार १७:५५ मा प्रकाशित

देवचन्द्र भट्ट, नुवाकोट, १७ चैत । परिवर्तित सन्दर्भलाई मध्यनजर गर्दै नेकपा एमालेसंग नजिक रहेको नेपाल राष्ट्रिय शिक्षक संगठन नुवाकोटको विस्तारित भेला तथा अन्तरक्रिया शनिवार नुवाकोटको ऐतिहासिक त्रिशूलीमा सम्पन्न भएको छ । भेलाले देशमा नयां संविधान सभाको निर्वाचन मार्फत नयां संविधान जारी गराउनका लागी दलहरुलाई सहयोग पुर्याउने निर्णयसमेत पारित गरेको छ । भेलाको उद्घाटन गर्नु हुदै नेकपा एमाले पोलिटव्युरो सदस्य तथा प्रचार विभाग प्रमुख प्रदीप ज्ञवालीले नेपालको लोकतान्त्रिक आन्दोलनमा नेपाली शिक्षकहरुले खेलेको भूमिकाको नेकपा एमालले उचित रुपमा सम्मान गरेको दावी गर्दै सदैव शिक्षकहरुको पेशागत एकता र हक हितका लागी आफ्नो दलले पुर्ण रुपमा सहयोग गरिरहने पनि स्पष्ट पार्नु भयो । नेपाली जनताको अधिकार माथि जुनसुकै शक्तिले धावा वोले पनि नेपाल राष्ट्रिय शिक्षक संगठनले सदा खवरदारी गर्नु नेता ज्ञवालीले आग्रह गर्नुभयो । संगठनकी अध्यक्ष पार्वती प्याकुरेलको अध्यक्षतामा सम्पन्न कार्यक्रममा नेकपा एमाले विदेश विभाग सचिव केशव पाण्डे, संगठनका केन्द्रीय सदस्य शिव न्यौपाने, नेकपा एमाले वाग्मति अञ्चल सचिवालय सदस्य राजेन्द्रप्रकाश लोहनी, पुर्व सभासद गोविन्द नेपालीलगायतले शिक्षकहरुको हक अधिकारका वारेमा चर्चा गर्नु भएको थियो । भेलामा नुवाकोटमा कार्यरत एक हजार शिक्षक शिक्षिकाहरुको सहभागिता रहेको थियो । साथै, संगठनको ११ औं जिल्ला अधिवेशन आगामी २०७० साल वैशाख २० र २१ गते नेकपा एमालेको वरिष्ठ नेता केपी शर्माओलीको प्रमुख आतिथ्यतामा सम्पन्न गर्ने जनाइएको छ ।

प्रतिक्रिया
सम्बन्धित खवर

काठमाडौँ । माघ महिनाको पहिलो दिन आज बिहान स्नान, जप, तप, ध्यान, साधना गरी घ्यु, चाकु खाएर माघे सङ्क्रान्ति पर्व

सर्लाही । गत २३ पुसमा सर्लाहीको बरहथवामा मृत अवस्थामा फेला परेकी महिलाको हत्यामा संलग्न तीन जनालाई प्रहरीले सार्वजनिक गरेको छ ।

चितवन।चितवनको केन्द्रीय स्तरको सरकारी अस्पताल भरतपुर अस्पतालले कोभिड–१९ संक्रमणको उच्च प्रकोप देखिएको बताएको छ । अस्पतालका मेडिकल सुपरिटेण्डेन्ट प्राडा कृष्णप्रसाद

काठमाण्डाैं ।सरकारले राष्ट्रिय भूमि आयोग झापाको अध्यक्षको जिम्मेवारी तिलकसिंह पाण्डेलाई दिएको छ । मन्त्रिपरिषदले पाण्डेसहित २८ जिल्लामा अध्यक्षको जिम्मेवारी तोकेको