नेपाल भ्रमणमा रहेका युवा अमेरिकी राजनीतिज्ञहरुद्वारा चेलिबेटी बेचविखनबारे चासो

२१ चैत्र २०६८, मंगलवार ०२:५६ मा प्रकाशित

काठमाडौ, २० चैत । एक साता लामो नेपाल भ्रमणमा रहेका अमेरिकी युवा राजनीतिज्ञहरुको समुह प्रमुख राजनीतिज्ञ दल र सामाजिक क्षेत्रका अगुवाहरुसंगको भेटघाटमा व्यस्त रहेको छ । अमेरिकी युवा राजनीतिज्ञहरुको टोलीले सोमवार राष्ट्रपति डा.रामवरण यादव, निर्वाचन आयुक्त नीलकण्ठ उप्रेति, प्रधानसेनापति छत्रमान गुरुङ्गसंगको भेटघाट पछी विरगंज अवलोकन भ्रमणमा निस्केको थियो । अमेरिकाका मुख्य राजनीतिक दल रिपब्लिकन र डेमोक्रेटिकका युवा नेता सम्मिलित ७ सदस्यीय प्रतिनिधिमण्डल शनिवार नेपाल भ्रमणमा आएको हो ।

भ्रमण वासिंटन डिसिस्थित युवा राजनीतिक नेताहरुको अमेरिकी परिषद र काठमाडौंस्थित टुडेज युथ एसियाले संयोजन गरेको हो । टोलीले नेपालमा सरकार, राजनीतिक दलका प्रमुखहरु, व्यवसायी, उद्यमी, किसान, स्वास्थ्यकर्मी, युवा वर्गसँग भेट्घाट गर्ने टुडेज युथ एसियाले बताएको छ । रिपब्लिकनका तर्फबाट अमेरिकी तल्लो सदनमा निर्वाचित सदस्य हवइ ह्यावर्डस्यको नेतृत्वमा रहेको टोलीले सोमबार विरगंजमा पुगी चेलिबेटी बेचविखन, लागूऔषध समस्यालगायतबारे सम्बद्ध निकायमा चासो राखेको थियो ।

टोलीसँगको भेटमा राष्ट्रपति यादवले संविधान बनाउने अन्तिम समय आउदा पनि दलहरुमा सहमतीमा नपुगेकोमा चिन्ता राखेका थिए ।

टुडेज युथ एसियाले युवा राजनीतिक नेतृत्वको भ्रमण आदानप्रदानले दुई देशबीचको आपसी समझदारी, सम्मान र मैत्रिपूर्ण सम्बन्ध अभिवृद्धि गर्नुको साथै आगामी पुस्ताको नेतृत्वबीच दिगो मित्रताका लागि समेत फलदायी हुने बताए । टोली यही २४ गते स्वदेश र्फकनेछ ।

प्रतिक्रिया
सम्बन्धित खवर

काठमाडौँ । पछिल्लो २४ घण्टामा ३,८४० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १०,८८६ पीसीआर

काठमाडौं । नेकपा माओवादी केन्द्रबाट एमाले प्रवेश गरेका चार नेताले सांसद पदमा पुनर्बहालीको माग गर्दै सर्वोच्च अदालतमा रिट दायर गरेका

काठमाडौं । सरकारले विभिन्न देशबाट कोरोनाविरुद्धको खोप आयातलाई तिब्रता दिएको छ । तर सरकारले खोप अभियानलाई व्यवस्थित गर्न नसक्दा नागरिक

काठमाडौं । नेपालले अमेरिकासँग कोरोनाविरुद्धको थप खोप सहायताका निम्ति अनुरोध गरेको छ । प्रधानमन्त्री शेरबहादुर देउवाले संयुक्त राज्य अमेरिकाका विदेशमन्त्री