पीडित चिकित्सकलाई किन ढाँटे बाबुरामले !

१६ चैत्र २०६९, शुक्रबार २२:११ मा प्रकाशित

मुक्तिनाथ भुसाल, रुपन्देही, १६ चैत । जीवनका उर्वर २५ वर्ष अरुको उपचारमा गुजारेका रुपन्देही मुर्गियाका डा. चित्रप्रसाद शर्मा वाग्ले यतिबेला आफैं क्यान्सरबाट थलिएका छन् । दैवको प्रहारलाई त डा. शर्माले स्वीकार गरेकै थिए तर उनलाई यतिबेला थप पिडा दिएको छ सरकारको धोकेवाज रवैयाले ।
०५८ सालदेखि लगातार १२ वर्ष अर्घाखाँची जिल्ला अस्पतालमा कार्यरत रहँदा इमानदार स्तरीय सेवाका कारण समस्त जिल्लावासीको आँखाका नानी बन्न पुगेका चित्र शर्मा सरकारले जहाँ खटाए पनि कुनै प्रतिवाद र गुनासो नगरी सरुवा गरेको ठाउँमा सेवा गर्न पुग्थे । उनको बिरामीप्रतिको समर्पित सेवाबाट प्रभावित भई नेपाल सरकारले धर्म पहाडी स्वास्थ्य सेवा पुरस्कार प्रदान गरेको थियो । राष्ट्रपतिको हातबाट डा. वाग्लेले सो सम्मान थापेका हुन् । यिनै होनहार चिकित्सक आज क्यान्सरबाट थलिएका छन् र उपचारका लागि २५ लाख खर्च भइसकेको र अझ त्यति नै खर्च लाग्ने दिल्लीस्थित उनको उपचारमा संलग्न अस्पतालले जनाएको छ । निजामती कर्मचारीले पाउने सुविधावापत पाँच लाख उनले पाएका हुन् तर बाँकीको जोहो कसरी गर्ने भन्ने चिन्ताले डा. वाग्लेलाई थप गलाएको छ । पत्रपत्रिकामा उनको योगदान र आर्थिक अभावबारे समाचार प्रकाशित भएपछि तत्कालीन प्रधानमन्त्री डा. बाबुराम भट्टराईले डा. वाग्लेलाई भेटेरै सबै खर्च सरकारले व्यहोर्ने जानकारी दिएका थिए । तर, अहिले सम्बन्धित निकायमा पहल गर्दा हामीलाई जानकारी छैन भन्दै पन्छिने गरेबाट डा. भट्टराईले पनि मन्त्रिपरिषद्बाट निर्णय नगराई डा. वाग्लेलाई खुशी तुल्याउन मात्र भनेका रहेछन् भन्ने प्रस्टिएको छ ।
हजारौँ जनताको जीवन बचाउन सफल डा. वाग्लेको जीवन बचाउका लागि गम्भीरताका साथ नेपाल सरकारको ध्यान जानु आवश्यक छ ।

प्रतिक्रिया
सम्बन्धित खवर

काठमाडौं । देशभरका ६ महानगरपालिकामा सत्तारुढ गठबन्धनले अधिकांशमा अग्रता बढाइरहेको छ । पछिल्लो मत परिणामअनुसार पाँच महानगरमा गठबन्धनको अग्रता छ भने

कैलाली । कैलालीको धनगढी उपमहानगरपालिकामा स्वतन्त्र उम्मेदवार गोपाल हमालले आफ्नो अग्रतालाई झन फराकिलो बनाउँदै लगेका छन् । २३ हजार २२३

झापा । झापामा एक नगरपालिकासहित चार स्थानीय तहको अन्तिम नतिजा सार्वजनिक भएको छ । बुधबार बिहानसम्म चार स्थानीय तहको अन्तिम मत परिणाम सार्वजनिक

काठमाडौं । भरतपुर महानगरपालिका प्रमुखमा नेकपा माओवादी केन्द्रकी मेयर उम्मेदवार रेनु दाहालले फराकिलो अग्रता लिएकी छन् । पछिल्लो सार्वजनिक मतपरिणमअनुसार गठबन्धनकी