असन्तुष्ट पक्षलाई सकभर सम्झाउने नभए राज्यशक्ति प्रयोग गरिने ओलीको चेतावनी

१५ चैत्र २०६९, बिहीबार २२:३३ मा प्रकाशित

काठमाडौं, १५ चैत । संविधानसभा निर्वाचनको विरोधमा सडकमा उत्रिएका दलहरुको माग समयानुकुल नभएकोले आसन्न निर्वाचन विथोल्न खोज्नेलाई सकभर सम्झाउने नभए राज्यशक्ति प्रयोग गरेर भए पनि ठिक लगाउने चेतावनी नेकपा एमालेका प्रधावशाली नेता केपी ओलीले दिएका छन् । २०६४ सालमा भएको संविधानसभाको निर्वाचन आतंकको छायाभित्र भएको तर आगामी निर्वाचन त्यो प्रकृतिको हुन नसक्ने भन्दै ओलीले अबको निर्वाचनमा नेपाली जनताले लोकतन्त्रवादी शक्तिलाई दुईतिहाई बहुमत दिने विश्वास ब्यक्त गरे ।
चुनावविरोधिहरुसँग छलफल अघि बढाउने लगायतका मुद्दामा छलफल गर्नका लागि भोली शुक्रबार बिहान उच्चस्तरीय राजनीतिक समितिको बैठक बस्न लागेको जानकारी पनि नेता ओलीले दिए । असन्तुष्टहरुलाई इंगित गर्दै उनले भने– ‘सबैलाई अस्वीकार हुने नीतिले आफैलाई कमजोर र एक्लो बनाउँछ, यो विषय उहाँहरुले पनि राम्ररी बुझ्नु पर्छ ।’
एमाओवादीलाई पनि ओलीले बाँकी राखेनन्, उनले भने– ‘चुनावमा हार्ने डर भएका अलोकतान्त्रिक दलहरुले गठबन्धन तयार पार्दैछन् त कोही चुनाव भाँड्न लाग्दैछन्, तर त्यसलाई एमाले चिर्दै अघि बढ्छ ।’

प्रतिक्रिया
सम्बन्धित खवर

काठमाडौं । देशभरका ६ महानगरपालिकामा सत्तारुढ गठबन्धनले अधिकांशमा अग्रता बढाइरहेको छ । पछिल्लो मत परिणामअनुसार पाँच महानगरमा गठबन्धनको अग्रता छ भने

कैलाली । कैलालीको धनगढी उपमहानगरपालिकामा स्वतन्त्र उम्मेदवार गोपाल हमालले आफ्नो अग्रतालाई झन फराकिलो बनाउँदै लगेका छन् । २३ हजार २२३

झापा । झापामा एक नगरपालिकासहित चार स्थानीय तहको अन्तिम नतिजा सार्वजनिक भएको छ । बुधबार बिहानसम्म चार स्थानीय तहको अन्तिम मत परिणाम सार्वजनिक

काठमाडौं । भरतपुर महानगरपालिका प्रमुखमा नेकपा माओवादी केन्द्रकी मेयर उम्मेदवार रेनु दाहालले फराकिलो अग्रता लिएकी छन् । पछिल्लो सार्वजनिक मतपरिणमअनुसार गठबन्धनकी