तलबभत्ता र कारोबारका लागि जग्गा बेच्दै नेसनल ट्रेडिङ

१५ चैत्र २०६९, बिहीबार ०८:२५ मा प्रकाशित

काठमाडौं, १५ चैत । कारोबार सञ्चालनका लागि रकम अभाव भएको भन्दै सरकारी स्वामित्वको संस्थान नेसनल ट्रेडिङले केन्द्रीय कार्यालय टेकुमा रहकेका १८ रोपनी जग्गा बेच्ने तयारी गरेको बुझिएको छ । बिक्री गर्नुपर्ने मौज्दात सामान सकिँदै गएको र सामान आयातका लागि नगद अभाव भएको भन्दै ट्रेडिङले कार्यालयपरिसरको २१ रोपनीमध्ये जम्मा तीन रोपनी बाँकी राखेर अरु बेच्न लागेको स्रोतको कथन छ । सो जग्गा नेपाल टेलिकम या राष्ट्रिय बिमा संस्थानमध्ये एकले किन्ने विषयमा छलफल अघि बढेको बताइन्छ ।
४ सय कर्मचारी कार्यरत ट्रेडिङका कर्मचारीले दुई महिनादेखि पारिश्रमिक र भत्ता पाएका नपाएका र चार महिनादेखि कर्मचारीको नाममा सञ्चय कोषमा रकम जान छाडेको बताइन्छ । सरकारी स्वामित्वमा रहेको ट्रेडिङले करिब दुई वर्षदेखि नयाँ समान आयात गर्न नसकेको सञ्चालक समितिका अध्यक्ष दीर्घराज श्रेष्ठको कथन छ । उनका अनुसार मेसिनरी समान, लत्ताकपडा, रड र पेयपदार्थलगायतको कारोबार गर्ने ट्रेडिङले तीन–चार वर्षअघिदेखिको स्टक सामान मात्रै बिक्री गर्दै आएको छ भने उसको सञ्चित घाटा करिब ७० करोड रुपैयाँ पुगिसकेको छ । जग्गा बिक्री भएपछि विदेशबाट समान आयात गर्न एलसी खोल्ने काम द्रुतगतिमा अगाडि बढ्ने अध्यक्ष श्रेष्ठले आशा व्यक्त गरे ।

प्रतिक्रिया
सम्बन्धित खवर

काठमाडौँ । पछिल्लो २४ घण्टामा ३,८४० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १०,८८६ पीसीआर

काठमाडौं । नेकपा माओवादी केन्द्रबाट एमाले प्रवेश गरेका चार नेताले सांसद पदमा पुनर्बहालीको माग गर्दै सर्वोच्च अदालतमा रिट दायर गरेका

काठमाडौं । सरकारले विभिन्न देशबाट कोरोनाविरुद्धको खोप आयातलाई तिब्रता दिएको छ । तर सरकारले खोप अभियानलाई व्यवस्थित गर्न नसक्दा नागरिक

काठमाडौं । नेपालले अमेरिकासँग कोरोनाविरुद्धको थप खोप सहायताका निम्ति अनुरोध गरेको छ । प्रधानमन्त्री शेरबहादुर देउवाले संयुक्त राज्य अमेरिकाका विदेशमन्त्री