असारमै निर्वाचन गराउने सरकारी तयारी

१३ चैत्र २०६९, मंगलवार १७:५१ मा प्रकाशित

काठमाडौं, १३ चैत । निर्वाचनको तिथिबारे अनेक अडकलवाजी चलिरहेको बेला रेग्मी सरकारका मन्त्री उमाकान्त झाले आगामी असारको पहिलो सातालाई नै संविधानसभा चुनावको मिति निर्धारण गरी घोषणा गर्ने अन्तिम तयारीमा  सरकार जुटिरहेको बताएका छन् । राजधानीमा मंगलबार आयोजित होलीको शुभकामना आदानप्रदान समारोहमा सम्बोधन गर्दै ऊर्जा तथा सिंचाई मन्त्री झाले भने– ‘असारको पहिलो साताभित्रै निर्वाचन गर्ने गरी मिति घोषणा गर्न हामीले निर्वाचन आयोगस“ग परामर्श गरिरहेका छौं । त्यसैअनुसार नै आयोगले पनि निर्वाचनको  कार्यतालिका बनाएको छ, त्यसलाई मिट गर्नेगरी चुनावको मिति घोषणा हुन्छ ।’
सोमबार मात्रै प्रमुख निर्वाचन आयुक्तको अभिव्यक्तिअनुसार चुनाव मंसिरसम्म पुग्ने अनुमान लगाइएकोमा मन्त्रीले असारमै हुने दाबी गर्नुलाई महत्वका साथ हेरिएको छ ।
मन्त्री झाले आगामी मन्त्रिपरिषद्को बैठकमा यस बारेमा निर्णय गरिने खुलासा गर्दै भने– ‘चुनाव असार ४, ५, ६ र ७ गतेभित्र हुन्छ । हामी देशभरि संविधानसभाको निर्वाचन एकैदिनमा गर्ने तयारीमा छौं, संविधानसभा एकै दिन हुनसक्छ भन्ने निष्कर्षमा सरकार पुगेको छ ।’ उनले सबै राजनीतिक दलका नेतालाई चुनावतिर लाग्न आग्रह गर्दै निष्पक्ष र धा“धलीरहित चुनाव गराएर निर्वाचित सरकारलाई सत्ता हस्तान्तरण गर्न आफूहरु आतुर रहेको जनाए । चुनावमा भाग लिन्नौं भन्ने दलहरुस“ग पनि परामर्श गरी उनीहरुलाई पनि चुनावमा सहभागी गराउन सरकार गम्भीर बनेको झाको कथन थियो ।

प्रतिक्रिया
सम्बन्धित खवर

काठमाडौं। राष्ट्रियसभाको निर्वाचन सकिएसँगै सत्ता गठबन्धनको भविष्य के हुन्छ भन्ने प्रश्न उब्जिएको छ। सत्ताघटकका अन्य दलले गठबन्धनलाई आगामी संघीय र

काठमाडौं।एमालेमा गएका पूर्वमाओवादी नेताहरू अहिले पछुताउन थालेका छन् । एमाले नेतृत्व व्यक्तिवादी भएको र आफ्ना गुनासोको सुनुवाई नगरेको भन्दै केहि

काठमाडौं । त्रिभुवन विमानस्थल अध्यागमनका कर्मचारीले कार्यालय समयमा मोबाइल चलाउन नपाउने भएका छन् । त्रिभुवन विमानस्थल अध्यागमन कार्यालयले शुक्रबार एक

काठमाडौँ । राष्ट्रिय फुटबल टोलीका कप्तान किरणकुमार लिम्बूले मौरिससविरुद्धको खेलमा नयाँ अनुभव बटुल्ने बताएका छन् । मौरिससविरुद्धको पहिलो मैत्रीपूर्ण खेलअघि